airplanebooksbriefcase business cogs cross election entertainment fish house law lockmedicalpeopleselfservices socialtax

Saqqummersitaq nutaaq: Cape Dorset

Issittormiut eqqumiitsuliaat Kalaallit Nunaanni takussaarpiarneq ajorput. Taamaammat Nuummi Eqqumiitsulianik Saqqummersitsiviup aamma Ilulissani eqqumiitsulianik katersugaasiviup Nunavummi Cape Dorset Inuit Art suleqatigilerpaat.

Eqqumiitsuliortut Cape Dorsetimeersut Nunani Issittuni uumasut pinngortitarlu najoqqutaralugit alutornarluinnartunik allalersuinikkut ilusilersuinikkullu eqqumiitsuliortarput.

Eqqumiitsuliornermik Ilinniarfik Nuummiittoq Cape Dorset isumassarsiffigalugu 1975-imi pilersinneqarpoq, taamani Grafisk Værksted-imik taaneqarluni.

Naqitanik eqqumiitsuliorfik 1959-imi pilersinneqarpoq, maannalu Kinngait-imik taaguuteqalersimavoq. Maannalu saqqummersinneqartut aamma tassanngaanneersuupput. 1959-imili pilersinneqarneraniik eqqumiitsulianik naqitanik katersanik ukiut tamaasa saqqummersitsisoqartarpoq. Saqqummersitsinermi suliat assigiinngitsut 60-it ukiut ingerlanneranni suliaasimasut takuneqarsinnaassapput.

Ilulissani eqqumiitsulianik katersugaasivimmi 2018-imi juunip aallaqqaataaniit aggustip 31-ata tungaanut saqqummersinneqassapput.
Fra:
1. juni 2018 10:00
Til:
31. august 2018 16:00
Sted:
Ilulissani eqqumiitsulianik katersugaasivik
Arrangør:
Ilulissani eqqumiitsulianik katersugaasivik