Avinneq

Nalinginnaasumik paasissutissiineq 

Nalinginnaasumik avinnginnermi averusersimanissaq piumasaqaataavoq. Averusernissamut malittarisassat annertunerusumik uani atuarneqarsinnaapput.

Immikkut pisoqartillugu averuseqqaanngikkaluarlutit avissinnaavutit. Soorlu imatut pisoqarsimappat:
• Aaqqiagiinngissuteqarneq pissutigalugu ukiut kingulliit marluk aappallu najugaqatigiissimanngikkussi
• Aappat allasiorsimappat
• Angerlarsimaffissinni sakkortuumik aappat ilinnut meeqqassinnulluunniit nakuusersimappat
• Aappat allamut katissimappat

Averuseqqareernermi avinneq 

Kalaallit Nunaanni Naalagaaffiup Sinniisoqarfia aqqutigalugu avissinnaavusi:
• Sivikinnerpaamik qaammatini arfinilinni averuseqqasimagussi
• Averusernerup nalaani suli inooqatigiinngikkussi imaluunniit aappariileqqissimanngikkussi
• Avinnissaq marluullusi kissaatigigussiuk
• Avinnermi atugassarititaasut isumaqatigiissutigigussigit

Averuseqqareernermi avinniarussi qinnuteqaat immersugassaq atorneqassaaq.

Averusernissamut/avinnissamut immersuiffissaq

Avinnermi atugassarititaasut aaqqiagiinngissutigigussigit imaluunniit aappaasoq kisimi avinniarpat Naalagaaffiup Sinniisua aqqutigalugu avissinnaanngilasi. Tamatumunnga taarsiullugu eqqartuussivimmut saaffiginnissaasi.

Aappaasoq kisimi avinniarpat ukioq ataaseq averuseqqareernermi aatsaat avissinnaavusi.

Averuseqqaarsimanani avinneq 

Immikkut pisoqartillugu averuseqqaanngikkaluarlutit avissinnaavutit.

Ukiut marluk najugaqatigiissimanani avinneq
Aaqqiagiinngissuteqarneq pissutigalugu ukiut kingulliit marluk aappat najugaqatigisimanngikkukku avissinnaavutit.

Ukiut marluk najugaqatigiinnginnermi avinnissaq qinnuteqaatigissagukku qinnuteqaat immersugassaq immersussavat.

Averusernissamut/avinnissamut immersuiffissaq

Allasiorneq pissutigalugu avinneq
Aappat allasiorpat avissinnaavutit.

Allasiorneq pissutigalugu Kalaallit Nunaanni Naalagaaffiup Sinniisoqarfia aqqutigalugu avissinnaavutit:

• Aappavit allasiorsimanera akuerinngikkukku
• Ukiut kingulliit marluk ingerlaneranni allasiorneq pisimappat
• Qaammatit arfinillit qaangiutsinnagit aappavit allasiornerata paasineranit avinnissamik qinnuteqaruit
• Avinnissamut marluullusi kissaateqarussi
• Avinnissamut atugassarititaasut akuerigussigit

Allasiorneq pissutigalugu avinnissamut qinnuteqarniaruit qinnuteqarnissamut immersuiffissaq immersussavat.

Averusernissamut/avinnissamut immersuiffissaq

Qinnuteqarnermi immersukkamut ilanngullugu aapparisamut, katissimasannut imaluunniit aapparisimasamut nalunaarut ilanngutissavarsi.

Avinnissamut atugassarititaasut isumaqatigiissutigisinnaanngikkussigit, imaluunniit katissimasavit avinnissaq kissaatiginngippagu, Naalagaaffiup Sinniisoqarfia aqqutigalugu avissinnaanngilasi. Eqqartuussivimmut saaffiginnissaatit.

Nakuuserneq pissutigalugu avinneq
Aappavit angerlarsimaffimmi illit imaluunniit meeqqanut nakuusersimappat, avissinnaavutit.

Nakuuserneq pissutigalugu Kalaallit Nunaanni Naalagaaffiup Sinniisoqarfia aqqutigalugu avissinnaavutit:
• Nakuusernerup paasineranit ukioq ataaseq qaangiutsinnagu qinnuteqaruit (assersuutigalugu meeqqat nakuuserfigitissimappata)
• Nakuusernerup kingorna ukiut pingasut qaangiutsinnagit avinnissamut qinnuteqaruit
• Nakuusersimaneq pillugu uppernarsaasinnaaguit, assersuutigalugu politiinit uppernarsaat imaluunniit nakorsamit oqaaseqaat
• Marluullusi avinnissaq kissaatigigussiuk
• Avinnissamut atugassarititaasut isumaqatigiissutigigussigit

Nakuuserneq pissutigalugu avinnissamut qinnuteqarniaruit, qinnuteqarnissamut immersuiffissaq immersussavat.

Averusernissamut/avinnissamut immersuiffissaq

Avinnissamut atugassarititaasut isumaqatigiissutigisinnaanngikkussigit, imaluunniit aappavit avinnissaq kissaatiginngippagu, Naalagaaffiup Sinniisoqarfia aqqutigalugu avissinnaanngilasi. Eqqartuussivimmut saaffiginnissaatit.

Ataatsikkut marlunnik katissimalluni aappaqarneq pissutigalugu avinneq
Aappaq allamut katissimasoq paasigaanni avittoqarsinnaavoq.

Marlunnik katissimaneq pissutigalugu avinnissamut qinnuteqarniaruit qinnuteqaat immersussavat.

Averusernissamut/avinnissamut immersuiffissaq

Avinnissamut atugassarititaasut isumaqatigiissutigisinnaanngikkussigit, imaluunniit aappavit avinnissaq kissaatiginngippagu, Naalagaaffiup Sinniisoqarfia aqqutigalugu avissinnaanngilasi. Eqqartuussivimmut saaffiginnissaatit.

Qinnuteqarneq 

Avinneq Naalagaaffiup Sinniisoqarfianit akuerineqarsinnaavoq imaluunniit eqqartuussivitsigut aalajangiivigineqarsinnaavoq.

Kalaallit Nunaanni Naalagaaffiup Sinniisoqarfia aqqutigalugu avissinnaavusi:
• Marluullusi avinnissaq kissaatigigussiuk
• Avinnissamut atugassarititaasut isumaqatigiissutigigussigit

Eqqartuussivimmut saaffiginnissaasi:
• Aappaannaata avinnissaq kissaatigippagu
• Atugassarititaasut isumaqatigiissutigisinnaanngikkussigit

Naalagaaffiup Sinniisoqarfia aqqutigalugu avinnissamut qinnuteqarniarussi qinnuteqaat immersussavarsi.

Averusernissamut/avinnissamut immersuiffissaq

Aamma Kalaallit Nunaanni Naalagaaffiup Sinniisoqarfianut qinnuteqarnissamut immersuiffissaq aasinnaavat imaluunniit Nuup avataaniikkuit politiinut aasinnaavat.

Qinnuteqaammut ilanngunneqassapput pappialat suliami pisariaqartinneqartut. Qinnuteqarluni immersuiffissami allaqqavoq suut pappialat suliamut atorfissaqartinneqarnsersut. Allakkat eqqortut ilanngussimanngikkussigit, Naalagaaffiup Sinniisoqarfianit suliassaq aallartissinnaanngilaa.

Nuummi najugaqarussi, qinnuteqarnermut immersugaq kiisalu allakkat pisariaqartut tamaasa ilanngullugit Naalagaaffiup Sinniisoqarfianut nassiutissavasi. Nuup avataani najugaqarussi, politiinut tunniukkiartussavasi.

Avannaata Kommunia
Postbox 1023
3952 Ilulissat

Oqarasuaat: (+299) 70 18 00
Fax: (+299) 70 11 77
E-mail: avannaata@avannaata.gl
Nittartagaq: www.avannaata.gl

Naalagaaffiup Sinniisoqarfia
Indaleeqqap Aqq. 3
Postboks 1030
3900 Nuuk

Oqarasuaat: (+299) 32 10 01
E-mail: ro@gl.stm.dk
Nittartagaq: www.rigsombudsmanden.gl