Saattuarniarneq

Nalinginnaasumik paasissutissiineq 

Qalerualik ataaseq immikkut ittumik aalisarneqarluartoq tassaavoq Kalaallit Nunaata saattuaa angisooq. Kalaallit Nunaata saattuaa angisooq kitaata sineriaa tamakkerlugu uumasuuvoq. Taassuma ilaatigut uumasuaqqat qaleruallit, uillut, siuteqqut aamma saattuat mikinerusut nerisarisarai.

Inuussutissarsiutigalugu aalisartutut saattuarniarniaruit, aalisarnermut akuersissummik peqartussaavutit.

Sunngiffimmi aalisartutut nammineq atugassannik saattuarniarniaruit, aalisarnermut akuersissummik peqartariaqanngilatit.

Inuussutissarsiutigalugu saattuarniarneq sinerissamut qanittumi aamma avataasiorluni aalisarnermut avitaavoq.

Piumasaqaatit 

Pullatit 70 mm-imit nigartunerusut atorlugit saattuarniarneq taamaallaat inerteqqutaanngilaq. Saattussat angutivissat minnerpaamik qaleruamikkut 10 cm-imik angissusillit taamaallaat pisarisinnaatitaavatit.

Saattussat allisartillutik qalerussatik taarsertarpaat. Tamatuma kingunerisaanik piffissap ilaani saattussat qaleruaat aqitsuusarput. Pisarisat 20 %-ii sinnerlugit qaleruaat aqitsuuppata, aalisarneq unitsinneqassaaq sumiiffimmullu allamut nuuttoqarluni.

Saattussat arnavissat pisarineqaqqusaanngillat iginneqaqqittassallutillu.

Avataasiorlutit saattuarniarnermik ingerlatsiguit, qimerissami ataatsimi amerlanerpaamik 100-nik pullateqarlutit aalisarsinnaatitaavutit.

Sunngiffimmi aalisartutut saattuarniaruit, amerlanerpaamik pingasunik pullateqaqqusaavutit.

Aalisarnermut akuersissummik qinnuteqarneq 

Sinerissamut qanittumi aalisarneq
Inuussutissarsiutigalugu aalisartutut saattuarniaruit, aalisarnermut akuersissummik tamatigut peqartussaavutit.

Sinerissamut qanittumi inuussutissarsiutigalugu saattuarniarnermut qinnuteqaat

Qinnuteqaatit uunga nassiutissavat aalisa@nanoq.gl

Avataasiorluni aalisarneq
Avataasiorluni saattuarniarnermik ingerlatsiumaguit, tassunga atatillugu tamatigut aalisarnermut akuersissummik peqartussaavutit.

Najukkanni kommunerisannut saaffiginnissaatit avataasiorlunilu saattuarniarnermut qinnuteqaatit uunga nassiullugu apn@nanoq.gl imaluunniit Aalisarnermut Piniarnermullu Naalakkersuisoqarfimmut saaffiginnillutit.

Aalisarnermut akuersissutit pillugit paasissutissat allat uani atuarsinnaavatit

Aalisagartassiissutit aamma ingerlatsiffiillu 

Sinerissamut qanittumi aalisarneq
Sinerissamut qanittumi saattuarniarnermut ingerlatsiffiit arfiniliupput, taakkulu ukiut tamaasa aalajangersimasumik aalisagartassiiffigineqartarput:
• Ingerlatsiffik Upernavik
• Ingerlatsiffik Qeqertarsuup Tunua- Uummannaq
• Ingerlatsiffik Sisimiut
• Ingerlatsiffik Maniitsoq-Kangaamiut
• Ingerlatsiffik Nuuk-Paamiut
• Ingerlatsiffik Narsaq-Qaqortoq

Sumiiffiit taakku arfinillit ilaanni ataatsimi sinerissamut qanittumi saattuarniarnermik ingerlatsiguit, ingerlatsiffinni marlunni ukiumut ataasiarlutit ningitsinermi ataatsimi amerlanerpaamik pullatit 50-it qimerissami ataatsimi atorsinnaatitaavatit. Ingerlatsiffiit marluusut ilaanni ataatsimi saattuarniarnissamut akuersissutit najukkanni kommune aqqutigalugu qinnuteqarnikkut pissarsiarineqassapput.

Avataasiorluni aalisarneq
Avataasiorluni saattuarniarneq ingerlatsiffinnut avinneqarnikuunngilaq, taamaattorli sinerissap killeqarfiata avataani ingerlanneqartussaalluni. Sumiiffinnilli arlaqartunik nassaassaqarpoq saattuarniarnermik ingerlatsiffigeqqusaanngitsunik.

Sumiiffiit avataasiorluni aalisarlutik saattuarniartut saattuarniarfigeqqusaanngisai tassaapput:
Aasiaat (takuuk ilanngussaq 6)
Sisimiut (takuuk ilanngussaq 5)
Maniitsoq/Kangaamiut (takuuk ilanngussaq 4) aamma
Paamiut (takuuk ilanngussaq 3)

Maalaaruteqarneq 

Isumaqartoqarpat pissusissamisuunngitsumik itigartinneqarsimalluni, uunga maalaartoqarsinnaavoq apn@nanoq.gl.

Avannaata Kommunia
Postbox 1023
3952 Ilulissat

Oqarasuaat: (+299) 70 18 00
Fax: (+299) 70 11 77
E-mail: avannaata@avannaata.gl
Nittartagaq: www.avannaata.gl

Aalisarnermut, Piniarnermut Nunalerinermullu Naalakkersuisoqarfik
Imaneq 1A, 701
Postboks 269
3900 Nuuk

Oqarasuaat: (+299) 34 50 00
Fax: (+299) 34 63 55
E-mail: apnn@nanoq.gl
Nittartagaq: www.naalakkersuisut.gl