Atuarfik Edvard Krusemut Atuarfimmut pisortaq

Siunissami meeqqat inuusuttullu ilinniagaqalernissaannut tunngaviliinissamut qulakkee-rinneqataanissamut peqataarusuppit? Ullut ingerlaartut suliatigut assigiinngitsunik unammillernartunik sammisaqarfiusut iluarisarpigit?
Qinnuteqarfissaq:
4. oktober 2018
Sumi:
Uummannaq
Akissarsiat:
Isumaqatigiissutit malillugit

Avannaata Kommunia Uummannami Atuarfik Edvard Kruse atuarfiup pisortaanik pissarsiorpoq 

Uummannami atuarfiup pisortaatut atorfik inuttassarsiorneqarpoq piaartumik aallartittussamik imaluunniit isumaqatigiissusiornikkut.

Atuarfik Edvard Kruse atuarfiuvoq pigiliussinissamik atugarissaarnissamillu pingaartitsisoq, ineriartortitsineq suliassaavoq pingaarnerpaaq, iluaniippoq peqataatitsineq, tassa atuarfik atuartunut pitsaanerpaaq pilersinneqassammat. Uummannap Atuarfiata aamma angajoqqaanik suleqateqarluarnissaq pingaartittorjussuuaa anguniakkat pingaarnerit anguniarneqarnerini. Atuarfimmi 210 –it missiliorlugit atuartoqarpoq 30-t miss. amerlatigisunik sulisoqarpoq.  Pisortassaq nunaqarfinni atuarfeqarfiit aamma akisussaaffigissavai. Nunaqarfiiit pineqartut tassaapput: Saattut, Niaqornat, Ukkusissat, Ikerasak & Qaarsut. Tassunga atatillugu atuartut angerlarsimaffiat nakkutiginera ilaalluni.

Qinnuteqartutut naatsorsuutigineqarputit 

  • Ilinniartitsisutut ilinniagaqartuunissat

  • Atuarfimmik aqutsinermik misilittagaqartuussaatit

  • Ineriartortitsinissamik angusarissaarnissamillu pingartitsisuunissat, eqeersimaartoq uummaarissorlu

Akissarsiat atorfeqarnermilu atugassarititaasut 

Akissarsiat atorfininnermilu atugassarititaasut Naalakkersuisut Ilinniartitsisut Meeqqat Atuarfianeersut Kattuffiata IMAKillu il.il. akornanni isumaqatigiissut atuuttoq 27. august 2014 –meersoq kiisalu Isumaqatigiissut pingaarneq / Hovedaftale 28. oktober 1998 –meersoq Naalakkersuisut Ilinniartitsisut Meeqqat Atuarfianneersut Kattuffiat, IMAK –illu isumaqatigiissutaat atuuttoq naapertorlugu.

 

Atorfimmut atasumik inissaqartitsisoqanngilaq.

 

Atorfininnermi atugassarititaasut allat soorlu atorfininnermi angalaneq pisattallu angallaneri akiliunneqassapput, atorfininnermi Namminersorlutik Oqartussat Ilinniartitsisut Meeqqat Atuarfianneersut Kattuffiat, IMAKip akornanni isumaqatigiissutaasut atuuttut naapertorlugit.

 

Qinnuteqartut Kalaallit Nunaanni tjenestemanditut atorfimminngaanneersut taama atorfeqartitaanertik attatiinnassavaat.

Meeqqanik pinerliisimannginnermut uppernarsaat 

Atorfik una meeqqanik pinerluuteqarsimannginnermik uppernarsaammik aallernissamik inatsisitigut piumasaqaatigineqarmat. 

Taamaammat maluginiaqquarput atorfininnissaq ullulerneqarsinnaammat aatsaat Naalagaffiup politiivinit meeqqanik pinerluuteqarsimannginnermik naammaginartumik imalimmik kommuni tigusaqarpat. 

Pinerliisimannginnermut uppernarsaat 

Atorfik una pinerluuteqarsimannginnermik uppernarsaammik aallernissamik inatsisitigut piumasaqaatitaqarmat. Inatsit naapertorlugu atorfininneq aatsaat aallartissaaq politiinit pinerluuteqarsimannginnermut uppernarsaammik naammaginartumik kommuni tigusaqarpat.

Paasissutissat 

Saniatigut atorfik pillugu paasissutissanik pissarsisoqarsinnaavoq uunga saaffiginnilluni Ineriartortitsinermut pisortaaneq Hans Eriksen: Oqarasuaat 38 76 04 imlt. Mailimut: hae@avannaata.gl


Qinnuteqarfissaq kingulleq 

Qinnuteqaat kingusinnerpaamik nassiunneqassaaq ulloq 4. oktober 2018.

Qinnuteqaat uunga nassiunneqassaaq 

Avannaata Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@avannaata.gl