airplanebooksbriefcase business cogs cross election entertainment fish house law lockmedicalpeopleselfservices socialtax

Kommunip atissaa aamma ilisarnaatissaa nutaaq ulloq 21. juni 2017-imi tamanut saqqummiunneqassapput

15. juni 2017
Kommunip atissaa aamma ilisarnaatissaa nutaaq pillugit unammisitsinermi ajugaasut, ulloq 21. juni 2017-imi tamanut saqqummiunneqassapput.

Qaasuitsup Kommunia unammisitsinermik ingerlatsinikuuvoq, tassani kommuninngortussat ilisarnaatissaat qanoq isikkoqassanersut kiisalu kommuninngortussanut ateq suna tulluarnerpaassanersoq pillugit innuttaasut saqqummiukkusutaminnik tunniussisinnaanikuupput. 

Ikaarsaariarnermut ataatsimiititaliat immikkut tamarmik inassuteqaateqartussatut ataatsimiittartoqatigiinnik pilersitsinikuupput, taakku siunnersuutit pitsaanerpaat toqqartorpaat kingorna ikaarsaariarnermut ataatsimiititalianit ajugaasut toqqarneqarsimallutik. Attaveqarnermut allaffeqarfiup siunnersuutit tamakkerlugit normulersorsimavai, taamaattumillu inassuteqaateqartussatut ataatsimiittartoqatigiit imaluunniit ikaarsaariarnermut ataatsimiititaliat, siunnersuutinik kikkut nassiussisuusimanersut ilisimareersimanngilaat.

Kommuni 1/ Qaasuitsoq avannarleq: 
K1-imi ikaarsaariarnermut ataatsimiititaliap siulittaasuata Palle Jerimiassen-ip, kommunip atissaa ilisarnaatissaalu ulloq 21. juni 2017-imi Ilulissani kommunip allaffiata silataani nal. 08.25 missaani tamanut saqqummiutissavai.

Oqalugiarnerit pereernerisa kinguninngua, kommunip nittartagaani aamma facebook-ikkut quppernerani ajugaasut tamanut saqqummiunneqassapput.