airplanebooksbriefcase business cogs cross election entertainment fish house law lockmedicalpeopleselfservices socialtax

Tusarniaaneq: Kullorsuarmi najugaqarfik nutaaq

29. juni 2018

Kullorsuarmi inissiaqarfimmut nutaamut kommunip pilersaarutaanut tapiliussamut siunnersuut, tusarniutigineqassasoq Kommunalbestyrelsi aalajangiivoq.

Kullorsuarmi ilinniartitsisunut inissianik sisamanik nutaanik sanaartornissamut atatillugu, kommunalbestyrelsimit aalajangiunneqarpoq, kommunip pilersaarutaanut tapiliussaq nr. 44 tamanut tusarniutigineqassasoq. Kommunip pilersaarutaanut tapiliussamut sinnersuummi, inissiaqarfik A01 allileriffigineqarpoq, taamaalilluni nunaminertat sanaartorfigiuminarnerusut ilanngunneqarlutik. Sanaartorfissat nutaat 11-it atugassiissutigineqarput, taakkunannga ilinniartitsisunut inissianut sisamat inniminnerneqarlutik. Taakku saniatigut immikkoortortat inniminnerneqarsimasut ilisarnaqutserlugit nalunaarsorneqarput taakkulu siunissami pisuinnaat aqqusernginut aqqusinernullu atugassiaassapput taamaaliornikkut siunissami immikkoortup attaveqaatitigut ilusilersorneqarnissaa qulakkeerunneqarluni.

Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput

Tusarniutaasumut akissutit kommunep nittartagaanut toqqaannartumik nassiussinnaavat uunga: http://qaasuitsup.kommuneplania.gl/dk/hoering_-_kommuneplantillaeg.htm imalt.mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamanut saqqummiussinerup ingerlareernerata kingorna, akerliliissutaasimasinnaasut aamma allannguutissatut siunnersuutaasinnaasut Kommunalbestyrelsip oqaluuserissavai, tassanilu kommunip pilersaarutaanut tapiliussaq inaarutaasumik akuerineqassanersoq aalajangiiffigissavaat.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 22.08.2018.

KPT44.pdf