airplanebooksbriefcase business cogs cross election entertainment fish house law lockmedicalpeopleselfservices socialtax

Ulluunerani neqeroorutit pillugit paasissutissiineq

5. juli 2018

www.avannaata.gl-imi ulluunerani neqeroorutinut ilitsersuutit aamma immersuiffissat assigiinngitsut takuneqarsinnaapput, aammattaaq immersuiffissat www.sullissivik.gl-imi takuneqarsinnaapput.

Inuttut saaffiginninnerit tamarmik illoqarfinni najukkami Sullissivinnut imaluunniit nunaqarfinni allaffinnut pisassapput. Avannaata Kommuniani Ineriartortitsinermi Ingerlatsinerup ataani Paaqqinniffiit pillugit immikkut allaffeqanngilaq

Inissamik qinnuteqarneq imaluunniit atorunnaarsitsineq:
• Najukkami Sullissivimmi imaluunniit allaffimmi immersuiffissamik immersuineq
• Imaluunniit qarasaasiakkut nalunaaruteqarneq www.sullissivik.gl aqqutigalugu.

Utaqqisut allassimaffiat pillugu paasissutissaq:
• Inatsisartut inatsisaat nr. 16 3.12.2012-meersumi § 9 naapertorlugu ataatsimoorussamik takussutissiami immikkoortitigaaffinni A + B + C + D + E + F Meeqqat Ulluunerani paaqqinniffinnut nalunaarutigineqassapput. Meeqqat inissamik tunineqarsimagaangata Immikkoortitigaaffiit iluini kisitsisit tulleriiaarnerat atorneqassaaq, ataatsimoorussatut utaqqisut allassimaffianeernani.
• Piaartumik pisariaqartitsisoqartillugu pilersuisussaatitaasut allakkamik inissamik innersuussisartunut nassiussissaaq tamanna Sullissivimmi imaluunniit allaffimmi pisinnavoq

Inissamik inneersuunneqarneq:
• Ulluunnerani neqeroorutinut allanut nuunnermi nalunaaruteqarnerit pillugit nalunaarutit allakkatigut Ilulissani Ineriartortitsinermut Ingerlatsivimmit aamma illoqarfinni allani Sullissivinniit pilersuisussaatitaasunut pisassapput

Ulluunerani neqeroorutinut akigitinneqartut:
• Pilersuisussaatitaasoq inissarsineq pillugu allagarsinermut ilanngullugu isertitaqarsimaneq pillugu nalunaarummut immersuiffissamik tigusaqassaaq, taanna immersorneqassaaq Sullissivimmullu utertinneqarluni pilersuisussaatitaasup isertitai aallaavigalugit aalajangerneqartussanngorlugu
• Pilersuisussaatitaasut akiitsunippata taava inatsit atuuttoq naapertorlugu atasiarluni akileeqqusissuteqartoqareerpat meeraq Ulluunnerani paaqqinniffimmiit anisutut nalunaarutigineqassaaq.
• Pilersuisussaatitaasut kinguaattoorutillit/akiitsullit anisitaanermik nalunaaruteqartoqarnissaa pinngitsuussagunikku Namminersorlutik Oqartussat Ilulissani Akileraaartarnermut Aqutsisoqarfiup allaffiani akiliissitsiniartarfimmik immikkoortortaqarfimmik akilersuinissamik isumaqatigiissusiortariaqassapput. Akilersuinissamik isumaqatigiissutip assilinera Ineriartortitsinermut Ingerlatsivimmut nassiunneqassaaq taamaalillunilu meeqqap paaqqinniffimmi inissani pigiinnassavaa

Inissamik innersuussineq pillugu naammagittaalliuutit imaluunniit apeqqutit: Najukkami inissamik innersuussisartunit aamma nunaqarfinni allaffini kiisalu Sullissivimminniit suliarineqartussanngorlugit allaganngorlugit tiguneqassapput

Akiliutigineqartartut pillugit naammagittaalliuutit imaluunniit apeqqutit: Allaganngorlugit tiguneqassapput tamatuma kingorna taakku Ineriartortitsinermut Ingerlatsivimmiit suliarineqassapput

Ulluunerani neqeroorutit pillugit naammagittaalliuutit imaluunniit apeqqutit: Paaqqinniffiit pisortaanut imaluunniit paarsisartumut innersuussisoqassaaq 

Inussiarnersumik inuulluaqqusilluta
Ineriartortitsinermut Ingerlatsivik
Avannaata Kommunia