airplanebooksbriefcase business cogs cross election entertainment fish house law lockmedicalpeopleselfservices socialtax

ICC 2022-imi Ilulissani ataatsimeersuartussanngortoq

20. juli 2018

Nuannaarutigalugu maanna nalunaarutigissavarput ICC-mi kalaallit aallartitat aalajangermata, ICC-ip 2022-imi 14-issaannik ataatsimeersuarnissaa Ilulissani ingerlanneqassasoq.

Borgmesterip oqaaseqarnermini assorujussuaq nuannaarutigaa, Avannaata Kommunia pisussamut taama annertutigisumut aaqqissuisuusussanngoramat. Aammalu oqaatigalugu Avannaata Kommuniani innuttaasut qularutigissanngikkaat pilersaarusiornissamut qanimut peqataatinneqarnissartik.

Avannaata Kommuniani Borgmester Palle Jerimiassen ulluni makkunani ICC-ip Alaskami, Utqiagvik-imi ataatsimeersuarneranut qaaqqusatut peqataanermi saniatigut, nunatsinni kommunit allat aamma aaqqissuisuujumallutik neqeroortut assigalugit, ICC-ip 2022-imi 14-issaannik ataatsimeersuarnissaa nunatsinni ingerlanneqartussaq, Ilulissani ingerlanneqarsinnaappat,  Avannaata Kommunia aaqqissuisuusinnaasoq Kalaallit Nunaanniit aallartitat aalajangiisuusussaasut, ippassaq pingasunngornermi saqqummiivigalugit neqeroorfigai, tamannalu tassa tamanna maanna piviusunngortussanngorpoq.

ICC-ip 2022-imi Ilulissani ataatsimeersuarnissaani, avataaniit tikillutik peqataajartortut 300 missaaniinnissaat naatsorsuutigineqarpoq.