airplanebooksbriefcase business cogs cross election entertainment fish house law lockmedicalpeopleselfservices socialtax

Avannaata Kommuniata Sverige ikiorpaa

6. august 2018

Ukiup ataatsip matuma siorna Qaasuitsup Kommunia Nuugaatsiami aamma Illorsuarni ajunaarnersuarmik eqqugaavoq. Tamatta ajunaarnersuarmik eqqugaalluni qanoq ajortigisoq misigaarput. Aammattaaq ulluinnatsinnit ungasikkaluaqisoq qanoq anilaanganartiginera aamma toqqissisimannginnera misigaarput. Aallaqqaataani amerlaqisut soriarsinnaanngissusermik kiisalu pisup annertussusaanut sanilliullugu kiserliuummernermik misigisaqarput. Kisianni pissutsit allanngorput nunani avannarlerni nunat tamarmik kinaassusertik takutimmassuk ikiorserniarlutalu aalajangerlutik. Kommunitsinni tamatsinnut annertuumik oqilisaataavoq avannaamioqatigut qaninnerpaat kikkuusut nalunnginnatsigit taakkulumi taamaalinerata nalaani ajornerpaaffiani sanitsinniipput.

Ullumikkut Sverige oqaluttuarisaanermi aatsaat taama annertutigisumik pinngortitami orpippassuarni ikuallattoorpoq. Ikuallanneq nakkutigineqarsinnaajunnaarpoq, Sverige-lu nunanit assigiinngitsunit arlaqartunit ikiorserneqarluni. Avannaata Kommuniani taamatut inissisimaffimmiilluni qanoq ajortiginera nalunngilarput. Taamaattumik katillugit qatserisartut arfinillit ikuallannerup siaruaatinnginnissaa siunertaralugu aallartissavagut; Upernavimmit marluk, Uummannamit marluk kiisalu Ilulissaniit marluk. Naatsorsuutigaarput qatserisartugut ullut 14-it taqqavaniissasut. Suliniarneq Danmarkimi Upalungarsimasut Aqutsisoqarfiat suleqatigalugu ataqatigiissarneqarpoq.

Taamaalilluta neriuutigaarput Sverige-mi pisunut ikiuuteqataasinnaalluta, taamaalilluni naalagaaffik innuttaalu sukkanerpaamik nalinginnaasumik ulluinnarminnut utersinnaaniassammata.