airplanebooksbriefcase business cogs cross election entertainment fish house law lockmedicalpeopleselfservices socialtax

ILULISSAT: Inuussutissarsiorneq takornariaqarnerlu pillugit innuttaasunik ataatsimiititsinissaq

22. august 2018

Inuussutissarsiornermut Nukissiuuteqarnermullu Naalakkersuisoq, Aqqalu Jerimiassen Ilulissani innuttaasut soqutiginnittut tamaasa inuussutissarsiorneq takornariaqarnerlu pillugit innuttaasunik ataatsimiititsinissamut matumuuna aggersarpai.

Innuttaasunik ataatsimiititsineq pissaaq marlunngorneq ulloq 4. september ualikkut kingusissukkut. Innuttaasunik ataatsimiititsinissamut piffissaq sumiiffissarlu kingusinnerusukkut nalunaarutigineqarumaarpoq.

Inuussutissarsiornermut Nukissiuuteqarnermullu Naalakkersuisup innuttaasunik ataatsimiititsinermi sumiiffinni innuttaasut peqataatinnissaat kissaatigaa, aammalu Avannaata Kommuniani takornariaqarneq inuussutissarsiornermilu politikkimi oqaluuserineqarsinnaasut pillugit isumaat tusarusullugit. Assersuutigalugu inuussutissarsiornermut politikkimi sinaakkutissat takornariaqarnerullu ineriartorteqqinneqarnerani suut pisariaqartinneqarnersut.

Soqutiginnittut tamarmik inuussutissarsiornermut takornariaqarnermullu innuttaasunik ataatsimiititsinermi sammisassanik aalajangersimasunik Inuussutissarsiornermut Nukissiuuteqarnermullu Naalakkersuisoqarfimmut kingusinnerpaamik tallimanngorneq ulloq 24. august 2018 nassitsinissamut tikilluaqquneqarput. Aalajangersimasumik oqaluuserisassaateqaruit uunga nassiuguk: isiin@nanoq.gl

Ilulissani innuttaasunik ataatsimiititsinissaq pillugu apeqqutissaqaraanni Mette Munk Andersenimut uunga mema@nanoq.gl saaffiginnittoqarsinnaavoq.