airplanebooksbriefcase business cogs cross election entertainment fish house law lockmedicalpeopleselfservices socialtax

Kullorsuarmi nutaamik inissialiorfissatut kommunip pilersaarutaanut tapiliussap pisortatigoortumik nalunaarutigineqarnera

29. august 2018

Kullorsuarmi ilinniartitsisunut naleqquttunik inissianik amigaateqartoqarnera pissutigalugu, kommunalbestyrelsemiit aalajangiunneqarpoq, nutaamik kommunip pilersaarutaanut tapiliortoqassasoq, taanna atorlugu inissiassanik taakkunannga sanaartornissaq periarfissillugu. Kommunip pilersaarutaanut tapiliussaq kommunalbestyrelsemiit akuerineqarpoq kommunip pilersaarutaanut tapiliussaq nr.44 matumuuna pisortatigoortumik saqqummiunneqarpoq.

Kommunip pilersaarutaata tapiata siunertaa:
Kommunip pilersaarutaanut tapiliussap aalajangersaavigaa aalajangersakkat pingaarnerit aamma erseqqissakkat sumiiffimmut nutaamut atuuttut, taamaasilluni nutaamik sanaartortoqarsinnaalersillugu qulakkeerlugillu siunissamik pilersuutit aqqutissaat.

Kommunip pilersaarutaanut tapiliussaq nr.44-p sumiiffik A01 inissialiorfissaq neruttortippaa, taamaasilluni sanaartorfissaqqinnerusut ilaatilerlugit. Sanaartorfissat nutaat 11-it pilersinneqarput taakkunannga sisamat ilinniartitsisut najugaqarfissaattut inniminneerneqarlutik. Tamatuma saniatigut sumiiffimmi inniminniisopqassaaq siunissami aqqutinut assakaasulinnullu aqqutissianik, taamaasilluni siunissami attaveqaatit qulakkeeriffigineqarniassammata.

Kommunip pilersaarutaanut tapiliussaq sapaatit akunnerini arfineq-pingasuni tamanut tusarniutigineqarnikuuvoq, tamatuma ingerlanerani innuttaasut, suliffeqarfiit il.il. akerliliissutinik, oqaaseqaatinik allannguutissatullu siunnersuutinik saqqummiussisinnaasimapput.

KPT44.pdf