airplanebooksbriefcase business cogs cross election entertainment fish house law lockmedicalpeopleselfservices socialtax

ILULISSAT: Innuttaasut 2019-mi pilersikkusutai

Ilulissani najukkami ataatsimiititaliaq siullermeerluni ulloq 25. okt. 2018 innuttaasunik ataatsimiisitsivoq. Najukkami ataatsimiititaliap aulinerminni sinaakkutaasut saqqummiuppaat, 2018-imi suliniutaasimasut pillugit nalunaaruteqarlutik aammalu naggaataagut innuttaasut ukioq 2019-imut kissaatiminnik saqqummiisillugit.

Innuttaasut kissaataat najukkami ataatsimiititaliap tulliani ulloq 14. november 2018 ataatsimiileruni eqqartussavaat.
29. oktober 2018

Najukkami ataatsimiititaliap 2018-mi angusai 

Ukioq manna annertuumik ukkatarisimavarput teknikkimut tunngassuteqartut, ilaatigut innuttaasut atugaannik pitsanngorsaalluta, soorlu:

1. Tummeqqat aaqqissuunneri: Kuunnguarsuup Qaava – Arsaattarfimmut

2. Tummeqqat nutaat: Alanngukasiup Qaava – Pisiffiup unittarfianut

3. Pisuinnaat aqqutissaat: Elisabeth Thomsen aqq. – Marralinnguaq

4. Ikaartarfeeqqat aaqqissuunneri: Tele - Kuunnguarsuup Qaava

5. Ilulissani Kulturikkut illorsuaq Sermermiut annertuumik nutarteriffigaarput (Digital PA anlæg mixererlu, Gangimi natersualersuineq, Seqersittaat nutaaq, Issiaviit nerriviillu gangimiittussat, Sungiusartarfimmi lydisolering, Ataatsimiittarfimmi nerriviit issiaviillu nutaat, Rødløber, Meeqqat issiavii nerriviillu, Atisanut nivinngaaviit, Saqqummersitsiviit, Kaffiliuut, Natersuaq Sermermiumik ilisarnaatilik, Qulliit LED, Saajut)

6. Innuttaasunut susassaqartitsinerit assigiinngitsut ingerlanneqartarput. Ilaatigut pinaveersatitsinermut tunngasut, pitsaaliuinermut tunngasut, avataaniit oqalugiartoqarnerit kiisalu imigassartaqanngittumik nipilersortoqartarluni. Meeqqaniit utoqqaat ilanngullugit ingerlanneqartarlutik

7. Uku anigaasalerneqarput: Meeqqat ulluat – Frederik Elsner, Uge 18-mi oqalugiartitsineq Laila Andrés, Meeqqanut tusarnaartitsineq Hinnarik, Oqalugiartitsineq Sexolog Ulrikka Holm, 10-12.december UKKI af Ujarneq Fleischer, Juullimi orpik ikinnissaa, Juullimi meeqqanut orpiliartitsinissaq

8. 2019-mut pilersaarut: Pisuttarfiinnut qinngutit tallimat: Inussussuaq, Akinnaq qaavani, Sermermiut, Seqinniarfik, Nuuaarsuk

Innuttaasut 2019-mi pilersikkusutai, Teknikkemut tunngasut 

1. Illoqarfiup eqqani pisuttuarfiini, katersuuttarfiinilu  issiaarfiit
2. Pisuinnaat aqqutaanik aaqqissuussineq. Ass. Stark eqqaaniik Qullissat aqqutaanut aammalu Nammaarfimmiik Qilakitsup aqqutaa
3. Inuiaqatigiinnut tamanut tulluuttunik pinnguartarfinnik silamullu tulluuttunik timersuutinik kateriiffiusinnaasumik piffeqalernissaq
4. Illoqarfiup sunik imaqarneranik aammalu pisuttuartarfiillu sumiinneranik nunap assiganik nivigasoqalernissaa (bykort).   
5. Pisuinnaat aqqutaanni qullilersuineq. Ass. Starkimiik Qullissat aqq tungaanut, Nammaarfimmiik Qilakitsup aqqutaata tungaanut
6. Qimmeqarfiit illoqarfiup avataanut inissinneqarnissai
7. Meeqqat Atuarfik Jørgen Brønlund-niliartut tulluunnerusumik aqqusiniluunnissai
8. Aqqusinermi pisuinnaat aqqutaanni unittarfinni qullilersuineq (lyskryds)
9. Nerimmallaliinissaq (rundkørsel) pisiniarfiit Pisiffik Brugseni aammalu Hallellu akornanni
10. Attaat (kloak) aqqutaat aqqissuunnissaat
11. Illoqarfiup saligaatsuuniissaanut paasititsiniaaneq aammalu aaqqissaalluartumik iliuuseqartitserusunneq. Ass. Teknik ataani silami sulisut nakkutigillunnilluarnerusinnaaneq eqqaaneqarpoq
12. Inissiaqarfiusuni eqqaaviit anginerit pilersinneqarnissaat
13. Aqqusernit aaqqissuunneqarnissaat
14. Illoqarfimmi tummeqaani qulleeralersuineq
15. Utoqqarnut allanullu busseqartitsinissaq
16. Biilinut unittarfiliornissaq. Ass. Pisiffik Brugsen aammalu Haalip biilinut unittarfii mikivallaalersimammata

Innuttaasut 2019-mi pilersikkusutai, Sammisaqartitsinermut tunngasut 

1. Inuiaqatigiinnut tamanut tulluuttunik pinnguartarfinnik silamullu tulluuttunik timersuutinik kateriiffiusinnaasumik piffeqalernissaq. Ass. Mittarfiup Aqq, Atuarfik Mathias Storch Saavani, Zionip oqaluffiata nalaani
2. Susassaqartitsinermut ataatsimoorfik internit-imik akeqanngitsumik pilik
3. Unammisitsinerit assigiinngitsut. Ass. Qitariaasit assigiinngittut, Kalattuut,  Qimmeqarfimmi toreqqusaannerit, illup/inissiap eqqaani  toreqqusaannerit, kaagiliullaqqinneqqusaanneq, Juullerpalunnerpaaq
4. Unnussiuaartitsinerit
5. Ukiut apeqqutaatillugit assigiinngitsunik sammisaqartitsinerit, soorlu utoqqarnut, inuusuttunut, meeqqaanut
6. Paasisitsiniarluni oqalugiartitsinerit. Ass. ilaqutariinnermut imaluunnit inooriatsimut tunngasut 
7. Inuttaasunut tusarniaalluni isumasiuineq / Misissuineq
8. Timersoqatigiinnut /Peqatigiinnut pisortanik tapersersuineruneq
9. Peqatigiffinnik suliaqartunik suleqatiserinninneq
10. Arsaattarfimmi Mini-tivoleqartitsineq

Innuttaasut 2019-mi pilersikkusutai, Paasitsitiniaanermut tunngasut 

1. Umiarsuit tikittartut tikiffiisa paasitsiniutiginissai
2. Qimmit qimuttut allanik qimminik akoornaveersaarnissaanut paasititsiniaaneq oqallinneq
3. Atersuup tuniani Qimussersuartuni akuinuni ingerlasuni ajugaanikunik allagartaliorterusunneq. Atersuit ateqaatini atulernissaa anguneqassagaluarmat
4. Paasisitsiniaanermi anngussiviusinnaasut tamakkerlugit atulernissai. Ass. najukkami aviisit, radiot
5. Meeqqanut inuusuttunullu nipilersornermik siuarsaanerit Ass. ammaanneqarsinnaannginnersoq Katersortarfimmi nipilersornermik sungiusartoqartalersinnaannginnersoq
6. Atuakkiornerup silarsuaanik qaammarsaaneq
7. Assassasortartunik katersuutitsisarneq. Kingunerissammagu piujuartitsineq ilinniarnissamillu kaammattuineq
8. Sanaluttartut assassortartut illuuteqarnissaat
9. Sannavimmik pilersitsiniarnerup tapersersornissaa. Ass. sannatinik atortussanik pisinermi tapersernissaa
10. Kulturhuserput atorluarlugu kulturitsinnik suliaqartunik ilisimasanik, piujuaannartinnissanik nutaaliornissamillu sammisassaqartitsinerit. Ass. Aalisakkanik ussiititsineq suliareqqiineq, saqqummersitsineq, ilisimaarikkanik takutitsinerit assigiinngitsut, soorlu qamutit, qimusseq
11. Oqallititsineq
12. Nutaaliorluni sammisaqartitsinerit. Ass. inuiattut ullorsiornermi susassaqartitsinermi sammisaqartitsinerit.
13. Takornariaqarnermi paasititsiniaaneq. Ass. Mittarfissualiulernermut atatillugu paasisanerulersitsinnaasumik.
14. Takornariaqarnermi anigaasaalersitsinerusinnaasumik sammiusumik paasititsiniaaneq. Siunertaralugu “Illit qanoq peqataarusuppit” qulequtaralugu.
15. Ilusilersukkanik sanatitsineq (statue). Ass. Qimusseq sananeqarsinnaavoq  innuttaasunut aammalu takornarianut assilitiffiusinnaanngorlugu

Innuttaasut 2019-mi pilersikkusutai, Timersornermut tunngasut 

1. Pinnguartarfiit aalaffiit ukiunut tamanut tulluuttut. Qilakitsup aqqutaani, Arsaattarfimmi aammalu Jope tunuani
2. Timersoqartigiinninnut tapersersuineruneq. Ass. Kangia Racemut, Ilulissat Marathonimut tikittarfimmi tupersuaq, peqataanermi tunniunneqarsinnaasit tujuuluaqqat vestillu, minutsilersuinermi atortorissaarutit
3. Timersorluni ajoqusinninngissamut siuinnersuinerit paasititsiniaanerit. Timersuutit assigiinngitsut aallavigalugit, arpattartuuguit, crossfit-tertuuguit imaluunniit timit innarlersimappat qanoq aalatinneqarnissaanik siunnersorneqarnissaanut paasititsiniaaneq
4. Nerisarissaarnerulernissamik  (diætist) siunnersuisinnaasumik saqqummersitsineq imaluunnit paasititsiniaaneq

Najukkami Ataatsimiititaliaq pillugu 

Ilulissani Najukkami ataatsimiititaliaq pisortatigoortumik pilersinneqarpoq 31. januar 2018. Ulloq taanna aallarnerfigalugu, ilaasortat siunnersuutaat aallaavigalugit, suliassanik pilersitsiortuineq ingerlavoq. Ukiumut innuttaasumut ataatsimut 500 kr ataatsimiisitaliamut illikartinneqartarpoq, ukioq mannalu aningaasat 3,7 millioner Najukkami ataatsimiisitaliap aqussimavai

Najukkami ataatsimiititaliap ilaasortaasa susassaqarfiit tallimat suliassaqarfigivaat makkuusut:
• Innuttaasut najukkaminni ataatsimoornerulersinnissaannik siunertaqartunik aaqqissuussinernut
• Teknikkikkut ingerlatsivinnut pilersuinermullu suliassat,
• Kulturimut innuttaasunullu paasititsiniaaneq,
• Timersornermut tunngasut kiisalu
• Inuussutissarsiornermut tunngasut.

§2 imm. 7 Aningaasaliissutit imigassamik sassaallertoqarluni aaqqissuussinernut atorneqarsinnaanngillat.

Najukkami Ataatsimiititaliap ilaasortat 

Jens Peter Rosbach (siulittaasoq), Jens Ole Nathanielsen (siulittaasup tullia), Brian Grønvold (ilaasortaq), Lea Jensen (ilaasortaq), Jørgen Kristensen (Kommunalbestyrelsimi ilaasortaq)