airplanebooksbriefcase business cogs cross election entertainment fish house law lockmedicalpeopleselfservices socialtax

Timmisartumut ilaasutut pisinnaatitaaffiit – Pingaartumik innarluutilinnut tunngatillugu

Nalinginnaasumik paasissutissiineq 

Timikkut imaluunniit tarnikkut piginnaasakikkuit, timmisartumik angalaneq aporfippassuaqarsinnaasarpoq, taamaattumik ikiorneqarnissamik pisariaqartitsisinnaallutit.

Mittarfeqarfiit ikiuunnissaminnut pisussaaffeqarput assersuutigalugu
• Nassatanik tunniussinermi
• Timmisartumut ikilernermi

Taamatut sullinneqarnermi mittarfeqarfik akiliuteqartitsisinnaanngilaq.

Illit nammineerlutit angalanissamut tiimit 48-t sioqqullugit innarluuteqarnernik imaluunniit immikkut pisariaqartitsinernik timmisartuutileqatigiiffimmut ilisimatitsisussaavutit.

Issiavinnut kaassuartakkanut tunngatillugu
Issiaviit kaassuartagaq akeqanngitsumik nassarsinnaavat. Nassatatit allat tunniukkukkit ilanngullugu tunniunneqassaaq ajortinnginnerussammallu imaluunniit nassatat allat ajortinnginnerussagamigit poortunneqassaaq.

Issiavimmik kaassuartakkamik akeqanngitsumik atukkerneqarsinnaavutit illillu nammineq piit nassatatut tunniunneqassaaq.

Malugiuk
Timmisartuutileqatigiiffiup illit innarluuteqarnerit kisiat peqqutigalugu kisivit nassarlugu angalanissat nangartarsinnaanngilaatit. Taamaallaat timmisartumut ikinissamut nangartarsinnaavaatsit imaattoqarpat
• illit innarluuteqarnerit peqqutigalugu timmisartuussinissap isumannaallisarneranut navianartorsiortitsisinnaaguit
• timmisartut mikivallaarpata imaluunniit aaqqissugaanerat imaappata allaat ikisinnaanak

Timmisartuutileqatigiiffiit inunnut innarluutilinnut kiffartuussisarneri assigiinngitsuupput. Taamaattumik timmisartumut ilaallutit angalannginninni timmisartuutileqatigiiffimmut imaluunniit angalatitseqatigiiffimmut atorniakkannut saaffiginnissaatit.

Inuttut innarluutilittut pisinnaatitaaffitit pillugit Danmarkimi Trafikstyrelsenip nittartagaani paasissutissat atuarsinnaavatit.

 

Allaaserisat attuumassutillit

Ineqarnermut Attaveqaqatigiinnermullu Naalakkersuisoqarfik
Imaneq 1A - 601
Postboks 909
3900 Nuuk

Oqarasuaat: (+299) 34 50 00
E-mail: box909@nanoq.gl
Nittartagaq: www.naalakkersuisut.gl