airplanebooksbriefcase business cogs cross election entertainment fish house law lockmedicalpeopleselfservices socialtax

Allagarsiuteqqitaq - Illerngit perorsaasumik sulisussarsiorpoq

Ilulissani ulluunerani paaqqinnittarfik Illerngit perorsaasumik sulisussarsiorpoq
Qinnuteqarfissaq:
2. juni 2019
Sumi:
Ilulissat
Akissarsiat:
Isumaqatigiissutit malilugit

Ilulissani ulluunerani paaqqinnittarfik Illerngit perorsaasumik sulisussarsiorpoq 

Avannaata Kommuniani, Ilulissani ulluunerani paaqqinnittarfik Illerngit perorsaasumik piaartumik imaluunniit isumaqatigiiissuteqarnikkut atorfinittussamik.

Perorsaasup qaninnertut qullersarissavaa Ilulissani ulluunerani paaqqinnittarfimmi Illerngit-mi aqutsisoq.

Suliassat akisussaaffiillu: 

• Paaqqinnittarfiup anguniagai suleriaatsitullu pilersaarutai malillugit sulineq
• Meeqqat akisussaassuseqartumik isumannaatsumillu paarineqarnissaat
• Init suleqatigiaallu immikkoortut akornanni suleqatigiinneq
• Angajoqqaanik suleqateqarneq
• Ulluinnarni pisartut tulleriisitaarneri sulisut akornanni paarlagiiaallugit suliassat

Piginnaasat: 

• Perorsaasutut ilinniarsimasuunissaq.
• Akisussaassuseqarneq.
• Arajutsisiittuunissaq.
• Akulerussinnaanermut nalimmassarsinnaanermullu piginnaasaqartoq.
• Suleqatikkuminartuunissaq.
• Qanilaartuuneq aalajaatsuunerlu.
• Timikkut tarnikkullu peqqissuuneq aammalu ammasuuneq kiisalu nuannaartuuneq.

Akissaatit atorfeqartitaanermullu atugassarititaasut: 

Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfinnut atatillugu inissaqartitsisoqarpoq.

Pinerlussimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.

Attaveqarfissaq:  

Atorfimmut paasissutissat sukumiinerusut pineqarsinnaapput Ulluunerani paaqqinnittarfimmi aqutsisumut Bolethe Lukassen saaffigineratigut oqarasuaat 38 55 53 imaluunniit e-mail: bol@avannaata.gl

Kingusinnerpaamik qinnuteqarfissaq  

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 2. juni 2019.

Qinnuteqaat uunga nassiunneqassooq 

Avannaata Kommunia
Sulisoqarnermut immikkoortortaqarfik
Postboks 1023
3952 Ilulissat

Imaluunnit mail-imut: hr@avannaata.gl