airplanebooksbriefcase business cogs cross election entertainment fish house law lockmedicalpeopleselfservices socialtax

ALLAGARSIUTEQQITAQ: AC-fuldmægtigi, Ilulissat

Avannaata Kommuniani Pisortaqarfiup allattoqarfianut AC-fuldmægtigi
Qinnuteqarfissaq:
25. juni 2019
Sumi:
Ilulissat
Akissarsiat:
Isumaqatigiissutit malilugit

Avannaata Kommuniani Pisortaqarfiup allattoqarfianut AC-fuldmægtigi 

Avannaata Kommunia Pisortaqarfiup allattoqarfianut Ilulissaniittumut AC-fuldmægtig-issarsiorpoq 1. juli 2019 isumaqatigiissuteqarnikkulluunniit atorfinittussamik, qinnuteqartorli eqqortoq utaqqisinnaavarput.

Avannaata Kommunia kommunitut nutaatut politikerinik sullissinerup pitsanngorsaaviginissaa aammalu innuttaasunut sulisunullu aalangiunneqarsimasunik pitsaasunik ersarissunillu paasissutissiisarnissaminik suliniuteqarpoq, taamaattumillu maanna qulaajaanerit, nalimmassaanerit, ineriartortitsinerit, suliassanik suleriutsinillu nutaanik atuutilersitsinerit ingerlanneqaleruttorfianni piginnaasamikkut naleqquttunik piginnaasaqartunik sulisussarsiorluni.

Illillu Avannaata Kommuniata politikerinik innuttaasunillumi sullissinermik pitsanngorsaanerani ineriartortitsineranilu suleqataarusukkuit, maanna periarfissamut takkuttumut, Avannaata Kommuniani Pisortaqarfiup allattoqarfiani Ilulissaniittumi AC-fuldmægtigitut atorfimmut, 1. juli 2018 isumaqatigiissuteqarnikkulluunniit atorfinittussatut inuttassarsiorneqartumut qinnuteqarsinnaavutit.

 

Suliassat aamma akisussaaffiit 

Suliassavit ilagissavaat :
• Pingaarnertut politikkikkut, allaffissornikkut attaveqarnikkullu suliassanik suliaqarneq
• Politikerit innuttaasullu eqqortumik torersumillu kiffartuunneqarnissaat qulakkiissallugu
• Borgmesterimut pisortaanermullu allattaaneq
• Aqutsisut susassaqarfiit akimorlugit ataatsimiinnerini peqataaneq, Ataatsimoorussanut Sullissivimmi Pisortaqarfiup allattoqarfiata ilaaniittumik ataatsimiinnernut peqataaneq
• Kommunip suleqatigisaanut attaveqarneq
• Suliakkiissutigineqartut tassanngaannaq takkuttuuppata suliniutaappataluunniit suliarisarnissaat
• Immikkoortortat innuttaasunillu kiffartuussinermik suliaqartut suliassaasa ataqatigiissarnissaat, kiisalu kiffartuussinermi suliaqartut akunneranni ataqatigiissaarinissaq
• Suliat ingerlaartut nakkutigalugillu malitseqartittarnissaat qulakkiissallugu
• Politikkikkut aalajangerneqartut nakkutigalugillu malitseqartittarnissaat qulakkiissallugu

Ujartugarput inuk ajornanngippat makkuninnga inuttut piginnaaneqarnissaa kissaatigaarput :
• Nammineersinnaassuseqarluartoq
• Siunniunneqarsimasunik piviusunngortitsiniaasinnaassuseqarluartoq
• Ineriartortitserusuttoq suliffeqarfimmi politikkikkut aqunneqartumik misilittagalik
• Inuk tamatigoortumik suleqatigiuminartoq
• Attaveqarfigiuminartoq, suliffiup iluani avammullu kiinnertarnermi
• Unammilligassanik suliaqarumasartoq
• Akisussaassuseqartoq eqinnaattorlu
• Suliassanik peqqissaartumik suleriusilik, ulapaarfinnilu eqqissisimasinnaasoq
• Ammasoq, suleqatinut qanilaartoq qiimasorlu
• Sulilluartoq aammalu imigassamik ikiaroornartumik oorinoornermillu ajornartorsiuteqanngitsoq

Inuk ujartugarput, makkuninnga sulinerup tungaangigut piginnaasaqassasoq kissaatigaarput :
• Ilisimatusarfimmiit bachelor imaluunniit kandidat
• Nunatsinni pingaartumik avannaani inooriaatsimik, oqaatsinik piorsarsimassutsimillu misilittagaqarlunilu ilisimasalik
• Oqaatsitigut piginnaasaqarluartoq, kalaallisut, qallunaatut tululttullu, taamatullu aamma allattariarsornermi
• Politikkikkut aqunneqartumi sulinermik misilittagaqarneq
• Sammisanut tunngasunik naammaginartumik nunatsinni inatsisinik atuuttunik ilisimasaqarnissaq
• Kalaallit Nunaanni inatsisit suliassamut tunngasut atuuttut ilisimaqarfiginissaat

Avannaata Kommuniani Pisortaaneq AC-fuldmægtigip qaninnertut pisortarissavaa aammalu maluginiarneqassalluni atorfik nutaajummat taamaalillunilu suli ineriartortinneqartussaammat pisortat peqatigalugit, tamatumanilu sunniuteqaqataanissamut periarfissaqarluarmat.

 

Akissarsiat aamma atorfeqarnermi atugassarititaasut 

Isumaqatigiissut atuuttoq naapertorlugu atorfinititsisoqassaaq aamma akissarsiaqartitsisoqassaaq, aammmalu matumani atorfininnermi soraarnermilu angalaneq, pisattat assartorneqarnerat, pissapput atorfininnermi Naalakkersuisut Kattuffiullu isumaqatiginninniarsinnaatitaasup akornanni isumaqatigiissutit atuuttut aallaavigalugit.

Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Nammaginartumik pinerlussimannginnermut uppernarsaat aamma meeqqanik pinerliisi-mannginnermik uppernarsaat atorfininnissamut piumasaqaataavoq. Taakku atorfinittussap atsiorluni akuerinerata kingorna atorfinititsisussamit Naalagaaffiup politiivinut (Rigspolitiet) pissarsiarineqassapput.

 

Attavissaq  

Atorfimmut paasissutissat sukumiinerusut pineqarsinnaapput Ataatsimoorussanut Sullissivimmi pisortaq Bea Mølgaard Lennert oqarasuaat: 38 78 00 e-mail-ikkulluunniit: bmle@avannaata.gl attaveqarfigalugu.

 

Kingusinnerpaamik qinnuteqarfissaq  

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 25. juni 2019.


Qinnuteqaat uunga nassiunneqassooq 

Avannaata Kommunia
Sulisoqarnermut immikkoortortaqarfik
Postboks 1023
3952 Ilulissat

Imaluunnit mail-imut: hr@avannaata.gl