airplanebooksbriefcase business cogs cross election entertainment fish house law lockmedicalpeopleselfservices socialtax

ALLAGARSIUTEQQITAQ: Isumaginninnikkut sullissisoq, angalasartussaq

Qinnuteqarfissaq:
27. juni 2019
Sumi:
Ilulissat
Akissarsiat:
Isumaqatigiissutit malilugit

Avannaata Kommuniani ilaqutariinnermut ingerlatsivimmi angalatittakkanik inunnik isumaginninnermi siunnersortimik/ inunnik isumaginninnermik suliaqartumik pissarsiorneq  

Avannaata Kommuniani ilaqutariinnermut Ingarlatsivik inunnik isumaginninnermut siunnersortimik/suliaqartartumik illoqarfittatsinnik nunaqarfitasinnillu sullissisussamik pissarsiorpoq

Suliassat eqqarsaatigalugit siamasissumik meeqqat ilaqutariillu pingaartinneqarput, inatsisit naapertorlugit immikkut suliuniuteqarfiginqarnissaminnut pisariaqartitsisunut. Pingaarnertut suliassarissavatit meeqqanut ilaqutariinnullu tunngasut.

Suleqatigiinni angalasartuni nutaajusumi inunnik isumaginninnermut siunnersortitut/suliaqartartutut, immikkoortortamut pitsaasumut peqataassaatit, ineriartortinneqartumut, aammalu kommunitsinni pissutsinut naleqqussartuartumut.

Immikkoortortaqarfik aallarnisarneqarpoq, Avannaatalu kommuniani meeqqanut inuusuttuaqqanullu suliniutit nukittorsarneqarnissaat pingaartinneqarluni. Suliallu ingerlanneqarneranni pitsaassuseq aaqqissuussaalluakkamillu ingerlatsineq pingaartinneqarlutik.

Ukioq kaajallallugu angalanerit ingerlanneqartuartassapput, angalatinnallu, inunnik isumaginninnermut siunnersorteqarfimmi/suliaqartartoqarfimmi Ilulissaniittumiittassaatit, taannalu ima inuttalersugaavoq, inunnik isumaginninnermut siunnersortitut/suliaqartartutut angalasartut tamakkerlugit sisamat.

Angalanerit suleqatitit ilagalugit ingerlanneqartassapput, marlukkaartinneqartassallusi.

 

Suliassat aamma akisussaaffiit 

Naatsorsuutigaarput illit:
o Inunnik isumaginninnermi siunnersortitut ilinniagaqarsimasut imaluunniit inunnik isumaginninnermik suliaqarnermi siunnersuisuusutut imaluunniit isumaginninnermik suliaqarnerup iluani ingerlaqqiffiusumik pisariaqartumik ilinniagaqarsimasutit/pikkorissarsimasutit.
o Inunnik isumaginninnermi siunnersortitut suliaqartutut aamma sulianik suliarinnittartut suliaannik atuuffiannillu misilittagaqarluartutit. Ataatsimut isigalugu, meeqqat tapersersorneqarnissaat pillugu Inatsisartut inatsisaannik, atuarfeqarnerup ingerlanneqarneranik ilisimasaqartutit aamma/imaluunniit allatut inunnik isumaginninnermik suliaqartutut misilittagaqartutit.
o Inatsisinik ilisimasaqarluarneq ilinniartitsisinnaasorlu.
o Suleqatigiinni sulisinnaasutit, suleqatiginninnissamut piginnaasaqarluartutit, allanillu akuutitsisinnaasutit.
o Attaveqarnissamut ilitsersuussinissamullu pikkorissuusutit.
o Periarfissanik isiginnissinnaaneq killissaniunngitsoq.
o Susassaqarfiit akimorlugit suleqatiginnissinnaasoq.
o Namminersorlutit sulisinnaasutit, suliassat aaqqissuunnissaannut, ataqatigiissarnissaannut pilersaarusionissaannut malitseqartinneqarnissaannullu pikkorissuusutit.
o Sulianik imoorussisoq nikerarsinnaasorlu
o Oqaatsinik marluusunik atuisinnaasut (kalaallisut/qallunaatut) qinnuteqartut salliutinneqassapput

Neqeroorutigaarput:
o Immikkoortortamut aallarnisarneqatumut ineriartortinneqartullu peqataassaatit.
o Atorfik namminersorfiusoq suliatigut inuttullu unammillernartulik.
o Pitsaasunik tunniusimalluartunillu suleqateqassaatit.
o Sulineq tatiginninnermik takutitsiffiusoq.
o Sunneeqataasinnaaneq.
o Misigisassat amerlasuut.

 

Akissarsiat aamma atorfeqarnermi atugassarititaasut 

Akissarsiat aamma atorfininnermi atugassarititaasut, Kalaallit Nunaanni Namminersorlutik Oqartussat imaluunniit kattuffiup allap isumaqatiginninniarsinnaasup akornanni isumaqatigiissutaasut malillugit pissapput

Atorfiup inuttalerneqarnissaa kissaatingaarput 1. juli 2019, imaluunniit isumaqatigiissuteqarnikkut.

Sulisunut inissamik innersuussisoqassaaq, tassunga attartortutut akiliinerit, qularnaveeqqutit il.il. maleruagassat atuuttut malillugit akiliisoqartassaaq.

Atorfik una, pinerluuteqarsimanermut aamma meeqqanik innarliisimannginnermut uppernarsaammik pissarsiniarsinnaanermik pisusaaffeqarneq pillugu inatsimmut ilaavoq. Inatsit naapertorlugu, pinerluuteqarsimanermut aamma meeqqanik innarliisimannginnermut uppernarsaammik naammaginartumik kommuni tigusaqarsimatillugu, atorfinitsitsinissaq aatsaat aallartitsisinnaavoq. Taammaattumik maluginiaqqussavarput, piffissaq atorfimmut ivertinneqarfiusussaq aatsaat isumaqatigiissutigineqarsinnaammat, rigspolitiinit meeqqat innarliisimannginermut uppernarsaat kiisalu politiiniit pinerluuteqarsimanermut uppernarsaat kommunimiit tiguneqareernerisa kingorna.

Meeqqanik innarliisimannginnermut uppernarsaat, pineqartumit akuersissummik pereernermi kommunimik pissarisarineqarneqartussaavoq, pinerluuteqarsinermullu uppernarsaat politiiniit pineqartup nammineq pissarisiariniartussaavaa.

 

Attavissaq  

Atorfik pillugu paasisaqarnerorusukkuit taava Ilaqutareeqarnermut ingerlatsivimmi fagchef Karl Jørgen Geisler attavigiuk, oqarasuaat: 38 77 33. E-mail: kage@avannaata.gl

 

Kingusinnerpaamik qinnuteqarfissaq  

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 27. juni 2019.


Qinnuteqaat uunga nassiunneqassooq 

Avannaata Kommunia
Sulisoqarnermut immikkoortortaqarfik
Postboks 1023
3952 Ilulissat

Imaluunnit mail-imut: hr@avannaata.gl