airplanebooksbriefcase business cogs cross election entertainment fish house law lockmedicalpeopleselfservices socialtax

Allaffimmioq, Ilulissat

Avannaata Kommunia allaffimmiumik pissarsiorpoq
Qinnuteqarfissaq:
28. juni 2019
Sumi:
Ilulissat
Akissarsiat:
Isumaqatigiissutit malilugit

Avannaata Kommunia allaffimmiumik pissarsiorpoq 

MISI Avannaa perorsaaniutitigut tarnillu pissusaatigut siunnersuinernut nunarsuarmi kommunet avannarpasinnersaanni

MISI Avannaani atuarfeqarfinnit ulluuneranilu paaqqinnittarfinnit suliakkiutit tigoorarneqartarput Avannaata Kommunia tamakkerlugu.

 

Suliassat aamma akisussaaffiit 

Uagut neqeroortigaarput suliffik unamminartoq, tamatigoortoq kiisalu pissanganartoq inuttut suliatigullu ineriartornissamut periarfissaqarluartoq. MISI Avannaa suliffeqarfiuvoq ingerlalluartoq allaffissornikkut ataqatigiiffiulluartoq. Aamma atorfiup nassatarai atorfilittut angalanerit umiarsuakkut timmisartukkut qullimiguulikkullu kommunemi illoqarfiit nunaqarfiillu angalaffiginerini.

Ujartorparput allaffimmioq sullissinermi misilittagaqarluartoq.

Qinnuteqartup eqqortup suliffik pissanganartoq aalajangersimasumik periuseqareersoq, kalaallit oqaasiinik kulturiannillu aallaaveqartoq iserfigissavaa aamma:
• eqiingalluartoq ineriartortitsinissamillu pingaartitsisoq
• tatitooq namminersorlunilu eqaatsumik sulisinnaasoq sulianut tamalaarpassuarnut sammivilinnut

 

Akissarsiat aamma atorfeqarnermi atugassarititaasut 

Akissarsiaqartitsineq atorfinitsitsinerlu pissapput kattuffimmut isumaqatigiinninniarsinnaatitaasumut isumaqatigiissutit sukkulluunnit atuuttut naapertorlugit.
 
Atorfimmut atatillu inissaqartitsisoqanngilaq.

Kissaatigineqarpoq atorfik 1.juli 2019 inuttalerneqassasoq isumaqatigiissusiornikkulluunniit.

 

Attavissaq  

Atorfik pillugu paasisaqarnerorusukkuit taava MISI Avannaani aqutsisuugallartoq Birgithe Geisler, bige@avannaata.gl attavigiuk imaluunniit Ineriartortitsinermut Immikkoortortami pisortaagallartoq Aka Grønvold akgr@avannaata.gl.

 

Kingusinnerpaamik qinnuteqarfissaq  

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 28. juni 2019.


Qinnuteqaat uunga nassiunneqassooq 

Avannaata Kommunia
Sulisoqarnermut immikkoortortaqarfik
Postboks 1023
3952 Ilulissat

Imaluunnit mail-imut: hr@avannaata.gl