airplanebooksbriefcase business cogs cross election entertainment fish house law lockmedicalpeopleselfservices socialtax

Atuarfimmi aqutsisoq, Ukkusissat

Ukkusissani Pilerfik atuarfimmi aqutsisussarsiorpoq
Qinnuteqarfissaq:
31. juli 2019
Sumi:
Ukkusissat
Akissarsiat:
Isumaqatigiissutit malilugit

Atuarfimmi aqutsisoq, Ukkusissat 

Atuartut 13-iupput, Ilinniartitsisullu tamarmiusut sisamaapput.

 

Suliassat aamma akisussaaffiit 

Atuarfimmi aqutsisoq atuartitsisassaaq aamma.

Ukkusissani Pilerfik atuarfimmut atuarfimmi aqutsisumik, ulluinnarni ingerlatsinermut, ilinniartitsisunut, aqutsisut ingerlatsivillu peqatigalugu akisussaasussamik pissarsiorpugut.
Pilerfimmi atuartut 1.-8. klassimiittut 13-iupput, ilinniartitsisunullu sisamanut amerlassusiligaalluni. Nunaqarfimmi atuarfimmi pissanganartumik ineriartortumi aqutsisumik kajumissaataasumik, naligiisitaanermik kiisalu perorsaanikkut ersarissumik aqutsinermik upperisaqartumik pisariaqartitsivugut.
Aammalu makku pingaartinneqarlutik ingerlanneqartarput:
·         Atuartitsinerup pissarsiaqarfiginissaanut, klassimi ingerlalluarnissamut kiisalu atuarfiup angerlarsimaffiullu akornanni naatsorsuuteqarnermut isumaqatigiissutip tamanit malinneqarneranut atatillugu, angajoqqaanik atuartunillu ataavartumik suleqateqarneq
·         Ukiumut sapaatillu akunneranut pilersaarutinut, pilersaarusiornernut, atuartunut iliuusissatut pilersaarusiornernut, atuartut ingerlalluarnerinut il.il. pillugit suleqatigiisitsineq,
 
Ukkusissat 156 innuttaqarpoq. Uummannallu nunaqarfiisa tallimaasut ilagaat.
Aqutsisutut suliassat:
• Sulisunik aqutsineq, sulisunik ineriartortitsineq allaffissornerlu
• Missingersuutinik naatsorsuutinillu nakkutilliineq malitseqartitsinerlu
• Nakkutilliineq matumani Ukkusissat atuarfiata ataani illuutinik kiisalu atuareernerup kingorna paaqqinnittarfimmik aserfallatsaaliineq
• Nunaqarfimmi innuttaasut sunngiffimmi atuartinneqarnissaannik neqerooruteqarnissamut qulakkeerineq
• Atuarfiup siulersuini, atuarfimmik ingerlatsinermut akisussaaneq

 

Akissarsiat aamma atorfeqarnermi atugassarititaasut 

Akissarsiat atorfinitsitaanermilu atugassarititaasut, matumani akiliunneqarluni angalasinnaatitaanerit pequtillu assartorneqarnissaat ilanngullugit, Naalakkersuisut aamma ilinniartitsisut kattuffiat IMAK-ip akornanni qaqugukkulluunniit isumaqatigiissutit atuuttut naapertorlugit inissinneqassapput. Naalakkersuisut aamma Kalaallit Nunaanni kommunini tjenestemænd-it naapertorlugit, atorfinitsitaaneq ukiuni aalajangersimasuni atorfinitsitaanermut immikkut pissutit naapertorlugit pissaaq. Atorfinitsitaanermi aammattaaq Naalakkersuisut IMAK-illu akornanni isumaqatigiissutit atuuttut imaluunniit Naalakkersuisut IMAK-illu akornanni akissaatinut isumaqatigiissutaat malinneqassapput.
 
Qaammatini aqqaneq-marlunnik atorfeqareernermi akiliunneqarluni angalatitsisoqarsinnaalissaaq.
 
Atorfiit meeqqanik pinerliisimannginnermut uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput.  Inatsit naapertorlugu kommuni meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq.  Taamaattumik maluginiaqqussavarput kommuni Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.
 
Meeqqanik pinerliisimannginnermut pineqaatissinneqarsimannginnermullu uppernarsaat Avannaata Kommunneani pissarsiarineqartussaq tunngavigalugu atorfinitsitsisoqassaaq.
 
Inissaqartitsisoqarsinnaavoq, malittarisassat atuuttut naapertorlugit akilersorneqartussamik. 
 
2019-imi September aallaqqaanit atorfinitsitsisoqassaaq imaluunniit isumaqatigiissuteqarnikkut.

 

Attavissaq  

Atorfimmut paasissutissat sukumiinerusut pineqarsinnaapput Atuarfik Edvard Kruse Uummannami Atuarfimmi pisortamut Lars Fleischer saaffigineratigut oqarasuaat 95 45 44  imaluunniit e-mail: lafl@avannaata.gl

 

Kingusinnerpaamik qinnuteqarfissaq  

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 31. juli 2019.


Qinnuteqaat uunga nassiunneqassooq 

Avannaata Kommunia
Sulisoqarnermut immikkoortortaqarfik
Postboks 1023
3952 Ilulissat

Imaluunnit mail-imut: hr@avannaata.gl