airplanebooksbriefcase business cogs cross election entertainment fish house law lockmedicalpeopleselfservices socialtax

Ilulissanni Atuareernerup kingorna ornittagaq nutaaq aqutsisoq

Atuareernerup kingorna ornittagaq nutaaq Ilulissanni, Avannaata Kommuniani aqutsisumik 01.08.2019 imaluunniit isumaqatigiissuteqarnikkut atorfinittussamik pisortassarsiorpoq.
Aqutsisup qaninnerpaatut qullersarisaa tassaavoq Avannaata kommuniani Ulluunerani neqeroorummi Fagchef-i.
Qinnuteqarfissaq:
1. august 2019
Sumi:
Ilulissat
Akissarsiat:
Isumaqatigiissut malillugu

Suliassat akisussaaffiillu 

  • Avannaata Kommuniani meeqqanut inuusuttuaqqanullu politikkikkut anguniakkat naapertorlugit sullissineq

  • Sulisut aalajangersimasumik qulequtaqarluni Kommunip iluani Kommunillu avataani ingerlatsinikkut piginnaasaannik inuttullu piginnaasaannik pitsanngorsaaneq, piginnaasanik sammisaqartitsisarnikkut kiisalu pikkorissaasarnikkut

  • Perorsaanikkut periutsinik suleriutsinillu nutaanik saqqummiisarneq

  • Meeqqanut, angajoqqaanut kiisalu sulisunut isumannaatsumik toqqissisimanartumillu ulluunerani paaqqinnittarfimmik qulakkeerinninneq

  • Ulluunerani paaqqinnittarfik pillugu paasissutissanik imalimmik quppersagaliortarneq

  • Eqqarsaatit nutaat politikkikkullu anguniakkat naapertorlugit ersarissumik anguniagaqarluni sulineq

  • Souschef-imik ulluinnarni qanimut suleqateqarneq.

Piginnaasat 

  • Perorsaasutut ilinniagaqarsimaneq

  • Ulluunerani paaqqinnittarfinni sulisitsinermik allaffissornermillu misilittagaqarneq

  • Akisussaassuseqarneq, pissutsinut malinnaaqqinnaassuseqarneq kiisalu paasinnissinnaassuseqarneq ingerlariaatsinillu allannguisinnaassuseqarneq

  • Uippakajaarnartunik suliassaqartillugu eqqissisimasinnaaneq, eqaatsumik suleriuseqarsinnaaneq, suleqatikkumiartuuneq, inussiarnersuuneq kiisalu aalajaatsuuneq

  • Timikkut tarnikkullu peqqissuuneq, ammasuuneq qiimasuunerlu

  • Ulluunerani paaqqinnittarfiup anguniagai iliuusissatullu pilersaarutai naapertorlugit sulinissamut piareersimasuuneq.

Akissarsiat atorfininnermilu atugassarititaasut 

Akissarsiat atorfininnermilu atugassarititaasut, Naalakkersuisut kiisalu kattuffik isumaqatigiinniarnissamut pisinnaatitaaffeqartup akornanni akissarsiat pillugit isumaqatigiissutaat naapertorlugit ingerlanneqarput.

 

Atorfimmut atatillugu inissaqartitsisoqarpoq.

 

Atorfinititsineq ingerlanneqassaaq pineqaatissinneqarsimanermut uppernarsaatit naammaginartumik eqquutsinneqarsimanerat aallaavigalugu, taanna sulisitsisumit Rigspoliteeqarfimmut qinnuteqartup atsioreerneragut pissarsiarineqassaaq.

Attavissaq 

Atorfik pillugu ersarinnerusumik paasissutissat aaneqarsinnaapput ulluunerani neqeroorummi perorsaanermi siunnersorti oqarasuaat 38 77 21 imaluunniit mail: tsm@avannaata.gl

Qinnuteqarfissaq kingulleq 

Qinnuteqaat soraarummeernermut uppernarsaatit qinnuteqarnermut attuumassuteqartut assilineri ilanngullugit, CV kiisalu oqaaseqaatit sumilu sulisimanermut uppernarsaatit, meeqqanut pinerlussimannginnermut kiisalu pinerluuteqarsimanermut uppernarsaatit kingusinnerpaamik ulloq 25.07.2019.

Qinnuteqaat uunga nassiunneqassooq 

Avannaata Kommunia

Sulisoqarnermut immikkoortortaqarfik

Postboks 1023

3952 Ilulissat

imaluunniit mail: hr@avannaata.gl