airplanebooksbriefcase business cogs cross election entertainment fish house law lockmedicalpeopleselfservices socialtax

Avatangiisini sullissisoq, Ilulissat

Qinnuteqarfissaq:
15. september 2019
Sumi:
Ilulissat
Akissarsiat:
Isumaqatigiissutit malilugit

Ukioq ataaseq affarlu avatangiisini sullissisoq Teknikimut Avatangiisinullu suliniummut atorfinitsinneqarneq  

Avatangiisit soqutigisorujussuuigit? Pisoqarfiusumi ineriartorneq sunneeqataaffigerusuppiuk? Illit tassaavit avatangiisini sulisoq nutaaq kommunimi iliuutsinik nutaanik qulakkeerisussaq Taava ukiup aappaata affaani sivisutigisumik sivitsorneqarsinnaasumik Avatangiisinut Teknikimullu Immikkoortortaqarfimmi avatangiisinut sullissisutut atorfik ilinnuuvoq!
 
Avannaata Kommunia Teknikimut Avatangiisinullu Immikkoortortaqarfimmi avatangiisinik sullissisussarsiorpoq. Inuk ammasoq teknikimut pikkorissoq aamma avatangiisinut, eqqakkanik isumaginninnermik imikumillu soqutigisalik pissarsiarerusunneqarpoq.

Atorfik piaartumik isumaqatigiissuteqarnikkulluunniit inuttalerneqarusuppoq.

Atorfik suliniummut atorfiuvoq ukiup aappaa affarmik sivisussusilik, taassumalu kommunimi eqqakkanik isumaginninnermi iliuusissat nutaat qulakkiissavai.

 

Suliassat aamma akisussaaffiit 

Ulluinnarni Ilulissani sulissaatit, tassani avatangiisit tungaasigut ineriartorneq pitsaasumik sunniuteqarfigisinnaavat. Maanna immikkoortortaqarfik kommunimi tamarmi eqqagassalerinermi annertuunik suliassaqarpoq, uagullu takorloorparput, avatangiisini sulisutut suliassanut avatangiisinut tunngassuteqartunut sulilluaqataassasutit.

Immikkoortortaqarfiup suliassaqarfiani makkuninnga suliaqassaatit:

• Eqqakkanik assartuinermi iliuutsinik atuutsitsilerneq
• Silami nunarminertanik eqqiluitsitsinissamik paasissutissiineq
• Nunaqarfinni illoqarfinnilu mikisuni eqqagassalerinermik ineriartortitsineq

Eqqakkanik illoqarfinniit nunaqarfinniillu assartuinermi aaqqissutissanik suliniutinik suliaqassaatit, kiisalu pisortat eqqiluitsitsineranni.

Piginnaasat
• Teknikimut/pinngortitamut, soorlu assersuutigalugu avatangiisinut ingeniøritut, biologitut, pinngortitami geografitut, geologitut imaluunniit assigisaanik ilinniagartuutut ilinniagaqarsimanissat.
• Avatangiisinut tunngasunik suliniutinik suliaqarnermik misilittagaqarneq
• IT-mik aaqqissuussanik sulianut/allaffissornermi misilittagaqarneq.
• Kommunimi suliffeqarfimmiluunniit allami avatangiisinik sammisaqartuni misilittagaqarneq, kisianni aamma ilinniagaqarsimasut qinnuteqaqqullugit kajumissaarneqarput.
• Kommunimi tamani inunnut pinngortitamullu iluaqutaasumik ineriartortitserusunneq.
• Innuttaasut ataqqinnittumik naligalugit naapinnissaasa pingaaruteqarneranik paasisimasaqarneq.
• Nunaqarfinni illoqarfinnilu Ilulissat avataaniittunukarusunneq taakkunaneerusunnerlu.
• Avatangiisivit kajumissaarnissaannik isumassarsiortinnissaanillu piginnaasaqarneq.
• Allaffissornikkut politikkikkut aaqqissuussaasumi sulinissamik soqutigisaqarneq.
• Suleqatigiissinnaanermut piginnaasaqarluarneq.
• Kalaallisut, qallunaatut tuluttullu piginnaasaqarneq.
• Kalaallit Nunaanni pissutsinik ilisimasaqarneq.

Neqeroorutigaavut:
• Atorfik soqutinartoq, allanngorartoq nammineerfiullunilu akisussaaffeqartoq.
• Sulinermi avatangiisit pitsaasut, suleqatit pikkorissut sulilluartullu.
• Suliat tungaasigut inuttullu ineriartornissamut periarfissat pitsaasut.
• Suliffik unammillernartoq pissanganartorlu angalanertalik.

 

Akissarsiat aamma atorfeqarnermi atugassarititaasut 

Akissarsiat atorfinitsitaanerlu isumaqatigiissut attuumassuteqartoq naapertorlugu pissapput.
Atorfimmut inissiamik innersuussisoqarpoq

Ilulissat pillugu
Atorfik Ilulissani inissisimavoq, Ilulissat 4.900-t missaannik inoqarluni Avannaani allaffissornikkut, kulturikkut, inuussutissarsiornikkut ilinniartoqarfittut qitiuvoq.
Illoqarfik sukkasuumik ineriartorpoq, taamaattumillu kommunimit sullissineq qaqugukkulluunniit kommunip iluani avataanilu pisortat kiffartuussiviattut piumasaqaatinut tulluutussaavoq.
Illoqarfiup pinngortitami pinnersorsuarmi inissisimanerata saniatigut piniarnissamut, aalisarnissamut umiatsiamillu angalanissamut periarfissaqarpoq.

 

Attavissaq  

Avatangiisinut ingeniøri, Sam Shaker Abedini
Telefon: +299 387728 Mobil: +299 527800
E-mail: sasa@avannaata.gl 
Teknikimut Avatangiisinullu Immikkoortortaq

 

Kingusinnerpaamik qinnuteqarfissaq  

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 15. september 2019.


Qinnuteqaat uunga nassiunneqassooq 

Qinnuteqaat Ingerlatsinermi Avatangiisinilu Suliniummi Atorfik-mik inuunermi sulerisimaneq aamma soraarummeersimanermut allagartat assilinerat aammalu peqarpat inassuteqaatit Sulisoqarnermut Immikkoortortaqarfimmi kingusinnerpaamik ulloq qinnuteqarfissatut killigititaq qaangiutsinnagu tiguneqareersimassapput. Qinnuteqaatit elektroniskiusumik tigunissaat kissaatiginarpoq, tassani pappiaqqat attuumassuteqartut ilanngussinnaavatit.
Marluinnik oqaasillit atorfinitsikkumaneqarnerupput. 

Avannaata Kommunia
Sulisoqarnermut immikkoortortaqarfik
Postboks 1023
3952 Ilulissat

Imaluunnit mail-imut: hr@avannaata.gl