airplanebooksbriefcase business cogs cross election entertainment fish house law lockmedicalpeopleselfservices socialtax

Avatangiisinut sullissisoq, Ilulissat

Qinnuteqarfissaq:
2. september 2019
Sumi:
Ilulissat
Akissarsiat:
Isumaqatigiissutit malilugit

Ilulissani avatangiisinut sullissisumik pissarsiorneq  

Avannaata Kommuniani immikkoortortaqarfimmi Ilulissani avatangiisinut sullissisutut atorfik inuttassarsiuunneqarpoq 15. September 2019 imaluunniit isumaqatigiissuteqarnikkut sulilersussamik.

Avatangiisinut sullissisutut atorfik Ilulissani meeqqat inuusuttut ilaqutariillu akornanni pitsaaliuinermik suliaqartussaavoq. Qaninnertut aqutsisorissorissavaa Ilulissani Peqqinneq  Sunngiffillu aqutsisua

Avatangiisinut sullissisut Peqqinneq Sunngiffillumi atorfilittat suleqatigissavai aamma nunap immikkoortuani sullissist allat suleqatigisallugit

Inuk atorfinitsitassarput namminersorluni sulisinnaassaaq, tatiginartuulluni, attaveqaqatigiinnermut pikkorissalluni kiisalu suliffimmut aalajaatsussalluni tarnimigullu patajaalluni.

 

Suliassat aamma akisussaaffiit 

Miljøarbejder-itut ilaatigut makku suliassarissavatit:
• Kommunimi susassaqarfiit tamaasa suleqatigalugit siusinaarluni pitsaaliuinermi iluani  pitsanngorsaataasussanik ineriartortitsineq kiisalu najukkami pisariaqartitanut naapertuuttunngortillugit suliniutit ineriartortillugit pitsanngorsaaneq.
• Sunngiffimmi meeqqanut inuusuttunullu susassaqartitsinermi suleqataaneq
• Nuna tamakkerlugu kommuninilu avatagiisaanni sullissineq, pinaveersaartitsinermi suliniutit aammalu avatagiiseq pitsanngorsarnissaannut politikkikkut anguniarneqartunut Komunimi ineriartortitsineq
• Kommunimi avatagiisaanni sullissineq, siusinaarluni pitsaaliuinermi, peqqinnerup sunngiffimmilu suliniutigineqartussanik pilersaarusiorneq, atuutilersitsineq qulakkeerinninniarnerlu. Aammalu politikkikkut suliarineqaqqullugit aalajangersarneqartut pisortarisamit suliakkiutigineqartut suliarineri
• Kommunip iluani najukkami pilersaarutit aamma pitsaaliuinermi ataatsimiititaliap suliassatut innersuussutai naapertorlugit pitsaaliuinermi siunnersortip, Peqqinneq Sunngiffimmilu sulisut allat avatangiisinillu sullissisup akornanni meeqqat inersimasullu pisariaqartitsisut pillugit isumaqatigiissutaasut suliarisassavai.
• Kommunimi avatagiisit toqqammavigalugit siusinaarluni pitsaaliuinermi aammalu peqqissutsikkut sunngiffimmilu suliniarnissami iliuusissanik pilersaarusiorneq
• Kommunip iluani najukkami avatangiisinut illoqarfimmulluunniit allamut meeqqat inuusuttullu pisariaqartitai aallaavigalugit angalatitsineq.
• Qaammatikkaartumik suliat pillugit allakkiortassaaq
• Pitsaaliuinermik politikki, iliuusissatut pilersaarut tanaartaralugit sulineq

Avatangiisinut sullissisutut naattorsuutigissavaa nikerartumik sulisarnissat.

Ukuninnga pisinnaasaqarnissat kissaatigineqarpoq:
Nammineersinnaassuseqarneq, susassaqarfiit akimorlugit suleqateqarsinnaassuseqartuuneq, tunuarsimaartuunnginneq, suleqatikkuminartuuneq, naapertuilluartuuneq, nammineersinnaassuseqarluartuuneq, akisussaassuseqarluartuuneq, suleriallaqqissuuneq, suliassarsiullaqqissuseq, nunatsinni inuiaqatigiit ingerlaasaannik ilisimasaqarneq. Inuk ammasoq, eqaatsumik suleriaasilik, tunniussimasoq, attaveqallaqqissuunini atorlugu inerisarneqarnissaanik suliaqarusullunilu piginnaasaqarluartoq atorfissaqartinneqarpoq.

Marlunnik oqaasilinnik suleqateqarsinnaaneq, nammineq piginnaasat pisinnaasallu pingaartinneqarneri

Ilinniakkatigut piumasaqaatit:
Avatangiisinut sullissisutut atorfinittussaq ilinniakkatigut inunnik isumaginninnermi peqqissaanermilluunniit ilinniagalik, imaluunniit perorsaasutut ilinniagalik  kissaatigineqarpoq, toqqaannartumilli piumasaqaataanani, inuk allamik ilinniagalik inunnillu isumaginninnermik sulinermik misilittagalik aamma atorfimmut piukkunnaateqarsinnaavoq.

 

Akissarsiat aamma atorfeqarnermi atugassarititaasut 

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfimmut atatillugu inissaqartitsisoqanngilaq.

Pisortatigoortumik pinerlussimannginnermut uppernarsaat (Straffeattest)  meeqqanillu pinerliisimannginnermut uppersarsaat (Børneattest)  naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinut sulisitsisumiit aaneqassapput.

 

Attavissaq  

Atorfik pillugu annertunerusumik paasisaqarusukkuit Ilulissani Peqqinneq Sunngiffillumi aqutsisoq Aviaq Henson Sikemsen attavigisinnaavat Tlf.: 38 55 76 imaluunnit e-mail: avsi@avannaata.gl

 

Kingusinnerpaamik qinnuteqarfissaq  

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 2. september 2019.


Qinnuteqaat uunga nassiunneqassooq 

Avannaata Kommunia
Sulisoqarnermut immikkoortortaqarfik
Postboks 1023
3952 Ilulissat

Imaluunnit mail-imut: hr@avannaata.gl