airplanebooksbriefcase business cogs cross election entertainment fish house law lockmedicalpeopleselfservices socialtax

Isumaginninnermut ikiorti, Saattut

Qinnuteqarfissaq:
1. oktober 2019
Sumi:
Saattut
Akissarsiat:
Isumaqatigiissutit malilugit

Avannaata Kommunia nunaqarfimmi allaffik Saattuni Isumaginninnermut ikiortimik ataatsimik pissarsiorpoq 

Sullissivik Saattuni isumaginninnermi sullissisussamik pissarsiorpoq 01. Oktober 2019 imaluunniit isumaqatigiissuteqarnikkut sulilertussamik.  Qaninnertut qullersarissavaa Uummannami Innutaasunik Sullissivimmi Aqutsisoq.

Suliassalli tungaasigut Inunnik Isumaginninnerup immikkortortaani aqutsisoq.

 

Suliassat aamma akisussaaffiit 

Isumaginninnermi sullissisup pingaarnertut suliassai tassaassapput:
• Suleqatigisartakkanik illup iluaneersunik avataanersunillu suliassaqarfiit assigiinngitsut pillugit suleqateqarneq 
• Allaffissornikkut suliassat
• Pisortatigut ikiorsiissutit
• Sullitanik oqaloqateqarneq
• Inatsisit susassaqarfimmut atuuttut tunngavigalugit sullissinerit
• Meeqqanut/inuusuttunut, kiisalu ilaqutariinnik sullissinermut atatillugu siunnersuillunilu ilitsersuinerit
• Utoqqarnik sullissinermi, siusinaartumik pension-isialinnik innarluutilinnillu sullissineq
• A-bidrag
• Meeqqat tapii
• Erninermusiat
• Piffimmi pinaveersaartitsineq ataatsimiititaliamut allattaaneq

Atorfinittussamut kissaatigineqarpoq:
Qinnuteqartoq allaffissornermik misilittagalik, isumaginninnerulluunniit iluani   ilinniarsimasoq piumaneqarpoq assersuutigalugu isumaginninnermi ikiortitut il.il.

Atorfimmik inuttaliiniarnermi nammineersinnaassuseq, ammasuuneq, allanngor-titsinissamut aamma nutaaliorsinnaanermik piginnaaneqarneq pingaartinneqarput.

 

Akissarsiat aamma atorfeqarnermi atugassarititaasut 

Atorfinitsitsineq akissaateqarnerlu pissapput qinnuteqartumut isumaqatigiissutit atuuttut tunngavigalugit.

Atorfimmut atatillugu inissaqartitsisoqanngilaq.

 

Attavissaq  

Atorfik pillugu paasissutissat erseqqinnerusut Sullissvimmi Aqutsisumut Makkak Markussen-imut oqarasuaat 38 78 01   imaluunniit Inunnik Isumaginnittoqarfimmi aqutsisuugallartumut Julie M. Jakobsen-imut tlf: 38 78 23-imut saaffiginninnikkut pissarsiarineqarsinnaapput.

 

Kingusinnerpaamik qinnuteqarfissaq  

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 1. oktober 2019.


Qinnuteqaat uunga nassiunneqassooq 

Avannaata Kommunia
Sulisoqarnermut immikkoortortaqarfik
Postboks 1023
3952 Ilulissat

Imaluunnit mail-imut: hr@avannaata.gl