airplanebooksbriefcase business cogs cross election entertainment fish house law lockmedicalpeopleselfservices socialtax

ALLAGARSIUTEQQITAQ: Kulturip Illorsua Sermermiut ikiortimik pissarsiorpoq

Qinnuteqarfissaq:
14. oktober 2019
Sumi:
Ilulissat
Akissarsiat:
Isumaqatigiissutit malilugit

Avannaata Kommunia, Ilulissat Kulturip Illorsua Sermermiut ikiortimik pissarsiorpoq piaarnerpaamik imaluunniit isumaqatigiissuteqarnikkut 

Ikiortip qaninnertut aqutsisorissavaa Ilulissani Peqqinneq Sunngiffillu-mi aqutsisoq.

 

Suliassat aamma akisussaaffiit 

Atorfimmi pingaarnertut suliassat tassaapput:
• Sermermiuni aaqqissuussisoqartillugu Aaqqissuusinernut ataqatigiissaarisoq ikiortassallugu, ulluinnarnilu suliassatigut
• Ilulissani Kulturip Illorsua Sermermiut ininik attartorfiuniarnerani allaffissornikkut nalunaarsuisassalluni. Tamanna suliaq ingerlanneqassaaq Sermermiuni suleqatit qanittumik suleqatiginerisigut
• Ataatsimiinnernut, pikkorissaanernut isumasioqatigiinnernullu teknikkikkut atortorissaarutitigut isumaginnissalluni Ilulissani Kulturip Illorsua Sermermiut ataani ingerlatsisoqartillugu
• Ilulissani Kulturip Illorsua Sermermiuni teknikkikkut atortorissaarutit pillugit Aaqqissuusinernut ataqatigiissaarisumut akisussaassalluni
• Sermermiuni teknikkikkut atortorissaarutit qaammaqqutinut nipinullu atortunut Aaqqissuusinernut ataqatigiissaarisumut akisussaassalluni
• Sermermiuni tusarnaartitsisoqartillugu isiginnaartitsisoqartilluguluunniit qullilerisutut/nipilerisutut atuuffeqassalluni aaqqis-suussanullu allanut Aaqqissuusinernut ataqatigiissaarisup aaqqissuussaanut
• Aaqqissuussinernut ataqatigiissaarisumut akisussaassalluni allaffissornikkut sullissinikkullu pissutsinut atortunik attartortitsi-nermi
• Aaqqissuusinernut ataqatigiissaarisoq suleqatigalugu siunissaq ungasissoq eqqarsaatigalugu pilersaarusiussallutik teknikkik-kut atortunik nutaanik pisiniarnissanut teknikkikkullu atortunut aserfallattaaliinissamik pilersaarusiorlutik
• Aaqqissuusinernut ataqatigiissaarisoq peqatigalugu suliniutigissallugu ilaatigut Ilulissani Kulturip Illorsua Sermermiut avam-mut takutinniassallugu isumassarsiorlutillu aaqqissuusinernik isaatitsissutaasinnaasunik
•  Ilulissani Kulturip Illorsua Sermermiut ulluinnarni ingerlanneqarnerani sulisut allat naligalugit ingerlatsissallutik

Akisussaaffiit:
• Kulturip illorsuani teknikkikkut tamaasa qullilersuutit aamma nipiliutinut tunngasut, allaffissornikkut suliassartaatigut aam-ma atortunik attartortitsinermi suliassatigut tigussaasutigut
• Teknikkikkut suliassat atortunullu tunngasut tamaasa

 

Akissarsiat aamma atorfeqarnermi atugassarititaasut 

Atorfinitsitsineq akissaateqarnerlu pissapput qinnuteqartumut isumaqatigiissut atuuttut tunngavigalugu.

Atorfimmut atatillugu inissaqartitsisoqanngilaq.

 

Attavissaq  

Atorfik pillugu paasissutissat erseqqinnerusut Ilulissani Peqqinneq Sunngiffillu-mi aqutsisoq Aviaq Henson Sikemsen-imut oqarasuaat 38 55 76 saaffiginninnikkut pissarsiarineqarsinnaapput, imaluunniit mailikkut avsi@avannaata.gl - mut.

 

Kingusinnerpaamik qinnuteqarfissaq  

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 14. oktober 2019.


Qinnuteqaat uunga nassiunneqassooq 

Avannaata Kommunia
Sulisoqarnermut immikkoortortaqarfik
Postboks 1023
3952 Ilulissat

Imaluunnit mail-imut: hr@avannaata.gl