airplanebooksbriefcase business cogs cross election entertainment fish house law lockmedicalpeopleselfservices socialtax

Tarnip pissusaanik immikkut ilinniarsimasumik aqutsisoq

Qinnuteqarfissaq:
25. november 2019
Sumi:
Ilulissat
Akissarsiat:
Isumaqatigiissutit malilugit

Avannaata Kommuniani Ilaqutariinnut Pinaveersaartitsinermut Sullissivimmut tarnip pissusaanik immikkut ilinniarsimasumik aqutsisumik pissarsiorpoq 

Ilaqutariinnermut Ingerlatsivik Avannaata Kommunianut Kalaallit Nunaata kitaani kommunit avannarpasinnersaanni illoqarfinnik nunaqarfinnillu sullisisussamik tarnip pissusaannik immikkut ilinniarsiasumik pissarsiorpoq. Atorfik 1. December 2019 imaluunniit isumaqatigiissuteqarnikkut inuttalerneqarusuppoq.

Atorfik pissanganartuuvoq, tassanilu Avannaata Kommuniani innuttaasunut katsorsaanermik neqeroorutit nukittorsaaqataaffigissavatit. Tarnip pissusaanik immikkut ilinniagalik meeqqanut, inussuttuaqqanut ilaqutariinnut kiisalu illoqarfimmi nalaataqarnerluttunut ikiuisartunut suleqatigisanik siunnersuinermut peqataanissat naatsorsuutigineqarpoq.

 

Suliassat aamma akisussaaffiit 

Suliassat siammasissumik meeqqanut ilaqutariinnullu tunngapput, inatsisit iluini immikkut ittumik iliuuseqarfigineqarnissaminnik pisariaqartitsisunik Meeqqanut ilaqutariinnullu ajornartorsiutinut atuuffivit saniatigut nalaataqarnerlunnermik upalungaarsimasunut peqataassaatit.

Tarnip pissusaannik immikkut ilinniagalittut siunnersitimik, immikkoortortaq pitsaasoq ilannguffigissavat, immikkoortortaq kommunitsinni innuttaasunut atugassarititanut tulluussartartoq.

Immikkoortortaqarfik maanna aallarnisarneqarpoq, tassanilu Avannaata Kommuniani meeqqanut inuusuttuaqqanullu iliuutsit qitiutinneqarput. Katsorsaanermi pitsaassuseq aaqqissuussaanerlu toraarneqarput.

Ukioq kaajallallugu angalaneqartassaaq, Ilulissani angerlarsimaffeqassaatit, angalasartoqatigiit tarnip pissusaanik immikkut ilinniarsimasumik ataatsimik aqutsisuusaatit, tarnip pissusaannik immikkut ilinniarsimasunik marlunnik aamma ilaqutariinnik katsorsaasunik marlunnik inuttaqarput.

Naatsorsuutigaarput:
o Cand. psych.-itut assigisaanilluunnit ilinniagaqartutit.
o Ilaqutariinnik katsorsaanermik, eqimattakkuutaarluni katsorsaanermik aamma nalaataqarnerlunnermi tarnikkut suliaqarnermik misilittagaqartutit.
o Sulisoqatigiinnut allanut tarnip pissusaannik allaqqasunik ingerlatitseqqillaqqittutit.
o Sulisut eqimattakkuutaartut suleqatigisinnaagitit, pitsaasunik suleqatigiinnermi piginnaasaqartutit allanillu akuutitsilersinnaasutit.
o Attaveqaqatigiinnermut siunnersuinermullu pikkoriffeqartutit.
o Killilersuinerit pinnagit periarfissanik takunnissinnaasutit.
o Ingerlatsiviit akimorlugit suleqateqarsinnaasutit.
o Nammineerlutit sulisinnaasutit, aaqqissuussillaqqillutit, ataqatigiissaarillaqqillutit, pilersaarusiullaqqillutit suliassanillu malitseqartitsillaqqillutit.
o Akuulluarlutillu eqaatsumik suleriaaseqartut.

Neqeroorutigisinnaavagut:
o Immikkoortortamut aallarnisatumut ineriartortumullu ilanngussinnaanerit.
o Tarnip pissusaanut tunngasut sulininni atornissaanut periarfissat.
o Akuersissummik pissarsinissaq siunertaralugu qulliunerusumit siunnersorneqarneq.
o Atorfik namminersorfiusoq suliat tungaasigut inuttullu unammillernartulik.
o Sulisut pitsaasut akuulluartullu.
o Sulinermi avatangiisit tatigeqatigiiffiusut.
o Sunneeqataasinnaaneq.
o Avatangiisini alianaatsorsuarni sunngiffimmi periarfissat allanngorartut.

 

Akissarsiat aamma atorfeqarnermi atugassarititaasut 

Akissarsiat aamma atorfinitsitaanermi atugassarititaasut Kalaallit Nunaanni Namminersorlutik Oqartussat aamma kattuffiup isumaqatiginninniarsinnaatitaasup akornanni isumaqatigiissutit tunngavigalugit pissapput.

Atorfimmi inissiamik innersuussisoqarpoq, taannalu naapertorlugu malittarisassat sukkulluunniit atuuttut naapertorlugit ineqarnermut akiliisoqartassaaq.

Pinerluuteqarsimannginnermut meeqqanullu uppernarsaat
Atorfik una pinerluuteqarsimannginnermut meeqqanullu uppernarsaammik allagartaqarnissamik inatsisip ataaniippoq. Inatsit naapertorlugu atorfinitsitaaneq aatsaat pisinnaavoq, kommunip pinerluuteqarsimannginnermut meeqqanullu uppernarsaat naammaginartoq tigoreerpagu. Taamaattumik maluginiaqqussavarput, piffissaq atorfiniffiusinnaasoq kommunip meeqqanut allagartaq Rigspolitiiniit kiisalu Politiiniit tigoreerpagu, isumaqatigiissutigineqarsinnaavoq.
Pineqartoq isumaqatigalugu meeqqanut uppernarsaat kommunimit aaneqarsinnaavoq.

 

Attavissaq  

Atorfik pillugu passissutissat uunga saaffiginninnikkut pissarsiarineqarsinnaapput: Immikkoortortami aqutsisoq Frederikke Sandgreen, oqarasuaat 38 55 61. E-mail. frra@avannaata.gl

 

Kingusinnerpaamik qinnuteqarfissaq  

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 25. november 2019.


Qinnuteqaat uunga nassiunneqassooq 

Avannaata Kommunia
Sulisoqarnermut immikkoortortaqarfik
Postboks 1023
3952 Ilulissat

Imaluunnit mail-imut: hr@avannaata.gl