airplanebooksbriefcase business cogs cross election entertainment fish house law lockmedicalpeopleselfservices socialtax

Pitsaaliuinermut siunnersorti, Ilulissat

Qinnuteqarfissaq:
26. november 2019
Sumi:
Ilulissat
Akissarsiat:
Isumaqatigiissutit malilugit

Pitsaaliuinermut siunnersorti, Ilulissat 

Avannaata Kommuniani Ilulissani, atorfik Pitsaaliuinermut siunnersorti 25. november 2019 imaluunniit isumaqatigiinnikkut inuttassarsiunneqarpoq.

Pitsaaliuinermut siunnersortip qaninnertut qullersarissavaa Peqqinneq Sunngiffillu-mi aqutsisoq.

 

Suliassat aamma akisussaaffiit 

Atorfimmut atatillugu suliassaqarfiussapput:
• Kommunimi siusinaarluni pitsaaliuinermi, peqqinnerup sunngiffiullu ineriartortinneqarnerani ataqatigiissaarineq.
• Suliniutinik immikkoortiterineq pingaarnersiuinerlu.
• Kommunimi Ingerlatsivinnik, Namminersorlutik Oqartussanik susassaqartunillu allanik suleqateqarluni attaveqarlunilu iliuusissanik pilersaarusiorneq.
• Najukkami pitsaaliuinermi ataatsimiititaliap sulineranut ataqatigiissaarisutut allatsitullu atuunneq.
• Timersoqatigiiffinnut attaveqaataaneq.
• Kommunimi piffinni sumiikkaluartuni siusinaarluni pitsaaliuinermi, peqqissutsikkut sunngiffimmilu iliuutsit pitsanngorsarneqarnissaannut suliniutinik ingerlatsineq.
• Kommunemit anguniarneqartussatut siunertanik siunniunneqartunik ingerlatsineq.
• Ingerlatsivimmi suliassat allat suliarineqarneranni suleqataaneq.

Pitsaaliuinermut siunnersortip naattorsuutigissavaa nikerartumik sulisarnissani

Ukuninnga pisinnaasaqarnissat kissaatigineqarpoq:
Nammineersinnaassuseqarneq, susassaqarfiit akimorlugit suleqateqarsinnaassuseqartuuneq, tunuarsimaartuunnginneq, suleqatikkuminartuuneq, naapertuilluartuuneq, nammineersinnaassuseqarluartuuneq, akisussaassuseqarluartuuneq, suleriallaqqissuuneq, suliassarsiullaqqissuseq, nunatsinni inuiaqatigiit ingerlaasaannik ilisimasaqarneq. Inuk ammasoq, eqaatsumik suleriaasilik, tunniussimasoq, attaveqallaqqissuunini atorlugu inerisarneqarnissaanik suliaqarusullunilu piginnaasaqarluartoq atorfissaqartinneqarpoq.

Marluinnik oqaasilinnik suleqateqarsinnaaneq, nammineq piginnaasat pisinnaasallu pingaartinneqarneqarneri.

Ilinniakkatigut piumasaqaatit:
• Inunnik isumaginninnermik sulialittut imaluunniit peqqissutsimut sulialittut ilinniarsimasoq, ilinniakkamik ilaqartoq ilinniakkamik ingerlatsinissamut kajumissusilimmik.
• Siunertamut attuumassuteqartut aammalu allaffissornermi ingerlaatsinik ilisimasaqarneq, IT-mik naliginnaasumik atuisinnaaneq.
• Nammineersinnaassuseqarneq, susassaqarfiit akimorlugit suleqateqarsinnaassuseqartuuneq, tunuarsimaartuunnginneq, suleqatikkuminartuuneq, naapertuilluartuuneq, nammineersinnaassuseqarluartuuneq, akisussaassuseqarluartuuneq, suleriallaqqissuuneq, suliassarsiullaqqissuseq, nunatsinni inuiaqatigiit ingerlaasaannik ilisimasaqarneq.

 

Akissarsiat aamma atorfeqarnermi atugassarititaasut 

Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfimmut atatillugu inissaqartitsisoqanngilaq.

Pinerlussimannginnermut uppernarsaatit, meeqqanullu pinerliisimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.

 

Attavissaq  

Paasissutissat annertunerusut Peqqinneq Sunngiffillu-mi aqutsisumut Aviaq Henson Sikemsen-imut pissarsiarineqarsinnaapput email: avsi@avannaata.gl imaluunnit oqarasuaat +299 38 55 76.

 

Kingusinnerpaamik qinnuteqarfissaq  

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 26. november 2019.


Qinnuteqaat uunga nassiunneqassooq 

Avannaata Kommunia
Sulisoqarnermut immikkoortortaqarfik
Postboks 1023
3952 Ilulissat

Imaluunnit mail-imut: hr@avannaata.gl