airplanebooksbriefcase business cogs cross election entertainment fish house law lockmedicalpeopleselfservices socialtax

Meeqqanut Inuusuttuaqqanullu siunnersorti, Ilulissat

Qinnuteqarfissaq:
14. december 2019
Sumi:
Ilulissat
Akissarsiat:
Isumaqatigiissutit malilugit

Avannaata Kommunia Ilaqutareeqarnermut Ingerlatsivik Ilulissat Meeqqanut Inuusuttuaqqanullu siunnersortissarsiorpoq 

Avannaata Kommunia Ilaqutareeqarnermut Ingerlatsivik Ilulissat, 1. Januari 2020 imaluunniit isumaqatigiissuteqarnikkut atorfinittussamik, Meeqqanut Inuusuttuaqqanullu siunnersortissarsiorpoq.

Meeqqanut inuusuttuaqqanullu siunnersortitut atorfik Ilulissani inissisimavoq. Meeqqanut Inuusuttuaqqanullu siunnersorti isumaginninnermut fagchef-imut toqqaannartumik attaveqartussaavoq.

Avannaata Kommuniata innuttaasunut malunnaateqarluinnartumik pitsanngorsaaviginiarlugu suliniuteqarpoq. Taamaattumik maanna sorpassuarnik ineriartortitsissutaasussanik ingerlatsisoqarluni Kulturikkut, timersornikkut, sunngiffimmi, siusinaartumik pitsaaliuinikkullu Avannaata Kommuniani innuttaasut tamakkiisimik isiginnittaaseqarluni kiisalu suleqatigiinnermik ineriartorfiusumi.

Atorfik pisortatut inissisimassanngilaq, kisianni nakkutilliisutut ataqatigiissaarisutullu oqartussaassuseqassaaq. Aningaasaqarnermut siunnersorti aammalu innarluutilinnut immikkoortortaqarfimmi sullissisut tapersersortillu peqatigalugit immikkoortuni suleqatigiinnut ilaassaaq. Isumaginnittoqarfimmi immikkoortortami pisortaq qaninnerpaamik qullersarineqassaaq.

Atorfimmi pingaarnertut anguniagaapput innarluutilinnut immikkoortortaqarfinni sullissinermi pitsaanerumik ingerlatsineq, taassuma ataani innarluutilinnut peqqussutinut ilanngussinermut aammalu ikiorsiissutinik naleqquttunik akuersissuteqarnerit suliarineqartassapput. Atorfik massakkutut ilusimigut tamatigoortuuvoq aamma unammillernartuuvoq suliassat nammineerutigalugit pingaarnersiorneqarsinnaanerinik periarfissaqartitsilluni.

 

Suliassat aamma akisussaaffiit 

Suliassat aamma akisussaaffiit:
• Meeqqanut kommunimi periusissap atuutsilerneqarnissaanni aqutsisutut inissisimaneq
• Siornatigut suliniutaasimasut, matumani angajoqqaanngortussat (ilaqutariit meerartaartussat) nakkutigineranni akisussaaneq.
• Meeqqanut sullissinermi, misissuinerni kiisalu tapersiissuteqarnissani tamani sullissinerup pitsaassusissaanut qulakkeerninnissamut akisussaaneq.
• Meeqqanut sullissunermi inatsisit tunngavigalugit nakkutilliineq, siunnersuineq ingerlatitseqqinneq.
• Meeqqanut peqqussummut naapertuuttumik ikiorsiissutissat tamaasa eqqarsaatigalugit nakkutilliinermut, siunnersuinermut kissalu paasissutissanik ingerlateqqiisarnermut akisussaaneq.
• Meeqqanut kommuni aqqutigalugu ilaqutariinnut kiisalu ulloq unnuarluangerlarsimaffinnut inissinneqarsimasunut immikkut ittumik nakkutilliinermik siunnersuinermillu suliaqarneq. Malittarisassat ilitsersuutillu attuumassuteqartut tamarmik malinneqarnissaannik qulakkeerinninneq kiisalu isumaginninnermi immikkoortortaqarfiit angerlarsimaffiup avataanut inissiinernik meeqqanullu iliuusissatut pilersaarutinik malitseqartitsinermik suliaqarnissaat qulakkiissallugu.
• Meeqqat pillugit suliassani susassaqartut akimorlutik najugaqarfimmi suleqatigiinnerannik najugaqarfimmilu meeqqanik kiguaassiuutitigut kannguttaatsuliorfigineqarsimasunut upalungaarsimanermik nakkutilliineq.
• Meeqqanut inuusuttunullu sullissinermi suleqatigiinni aqutsisunut sullissisunullu akulikitsumik ilitsersuisarneq, ingammik iliuusissatut pilersaarusiat suliarineqarneranni, isumaginninnikkut nalunaarusiani kiisalu suliassaqarfiit akimorlugit suleqatigiinnissamut ataatsimiititaliamut kiisalu isumaginninnermi ataatsimiititalianut inassuteqaatinik suliaqarnermut atuumassutilinnnik misissuinissanut kiisalu ikiorsiissuteqarnissanut atuumassuteqartunut. Suliassaqarfimmi qulakkeerniarlugu minnerpaamik ukiumut ataasiarluni isumaginnittoqarfimmi immikkoortortaqarfiit tamaasa nakkutilliinermut atatillugu alakkartertarnissaat.
• Meeqqat pillugit paasiuminaatsunik piuminaatsunillu suliassanik suliarinninnermi peqataajuarneq (ingammik meeqqat pillugit peqqussut tunngavigalugu maalaarutinut kiisalu kinguaassiuutitigut kannguttaatsuliornernut akuersisitseqqaarani inissiininernut tunngasunut)
• Meeqqanut katsorsaanermi suliniutit suleqatigisat avataaneersut eqqarsaatigalugit, ingammik Namminersorlutik Oqartussanut, ulloq unnuarlu angerlarsimaffinnut allatigullu pisortani oqartussanut, suliniaqatigiiffinnut naalakkersuinikkut attuumassuteqanngitsunut (suliniaqatigiiffiit naalagaaffimmut attuumassuteqanngitsut) kiisalu piumassutsiminnut suliniartunut, kommunimut sinniisuuneq.
• Meeqqanut sullissinermi sumiiffinni suleqatigisat atugarisaannik nakkutilliineq, matumani taakku sulinerat kiisalu suliassatigut inuttullu ineriartornerat ilanngullugit. Avataaneersunik ilitsersuussinernut atatillugu, isumasioqatigiinnerni imaluunniit meeqqanut ilinniagaqarnikkut suliniutinik aaqqissuussinermi aqutsisuuneq.
• Kommunimi meeqqanut tapersiisarnermut atatillugu aningaasartuutinik tamanik takunnissinnaaneq; suliassaqarfimmi takussutissanik suliaqartarnermi kiisalu missingersuusiortarnermi suleqataanermut atatillugu aqutsisutut inissisimaneq.
• Pisariaqartitsisoqartillugu suliassat “suliarineqapallattussat” tamaasa suliarisassavai, soorlu assersuutigalugu napparsimasoqartillugu, sulinngiffeqartoqartillugu assigisaanniluunniit sulinngittoqaraangat.

Piginnaaffigisassatit:
• Isumaginninnermi siunnersorti - ajornanngippat meeqqanut inuusuttuaqqanullu immikkoortunut pikkorissartarsimaneq
• Ajornanngippat marluinnik oqaaseqarneq: Kalaallisut danskisullu.

 

Akissarsiat aamma atorfeqarnermi atugassarititaasut 

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfininnermut atatillugu piumasaqaataavoq, pinerluuteqarsimanermut uppernarsaat aamma meeqqanik pinerliisimannginnermut uppernarsaat pillugit naammaginartunik ilisimatitsissutinik tunniussinissaq. Taakkku qinnuteqartumit akuerineqarlutik atsiorneqareerpata, sulisitsisup Rigspolitiinut taakku pissarsiariniassavai.

Atorfimmut atatillugu inissaqartitsisoqarsinnaavoq, taamatullu atorfininnermi akiliunneqarluni angalasoqarlunilu pigisat assartorneqassapput, malittarisassat qaqugukkulluunniit atuuttut naapertorlugit.

 

Attavissaq  

Paasisutissat aaneqarsinnaapput saaffiginninnermi, Ilaqutaareeqarnermut Ingerlatsivimmi pisortaagallartumut, Aka Grønvold-imut oqarsuaat +299 38 77 41, imlt. e-mailikkut akgr@avannaata.gl  -imut immaluunniit Ataqatigiissaarisoq, Hanne Siegstad-imut, oqarsuaat +299 38 77 36, imlt. e-mailikkut hans@avannaata.gl  -imut

 

Kingusinnerpaamik qinnuteqarfissaq  

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 14. december 2019.


Qinnuteqaat uunga nassiunneqassooq 

Avannaata Kommunia
Sulisoqarnermut immikkoortortaqarfik
Postboks 1023
3952 Ilulissat

Imaluunnit mail-imut: hr@avannaata.gl