airplanebooksbriefcase business cogs cross election entertainment fish house law lockmedicalpeopleselfservices socialtax

Ulluunerani neqeroorummi ”Nukariit” tullersortissarsiorpoq, Ilulissat

Qinnuteqarfissaq:
20. december 2019
Sumi:
Ilulissat
Akissarsiat:
Isumaqatigiissutit malilugit

Avannaata Kommuniani Ulluunerani neqeroorummi Idrætinstitution ”Nukariit” tullersortissarsiorpoq. 

Avannaata Kommuniani Ulluunerani neqerurummi Idrætinstitution ”Nukariit”   tullersortissarsiorpoq 1. januar 2020 sulilersussamik.

Tullersortip qaninnertut qullersarissavaa timimik aalatitsinerusumik meeqqerivik pisortaa Ulluunerani neqeroorummi Idrætinstitution ”Nukariit” meeqqanut 52-nut sulisullu 13-nit.

 

Suliassat aamma akisussaaffiit 

Suliassat akisussaaffiillu:
• Avannaata Kommuniani meeqqanut inuusuttuaqqanullu politikkikkut anguniakkat naapertorlugit sullissineq
• Sulisut aalajangersimasumik qulequtaqarluni kommunip iluani kommunillu avataani ingerlatsinikkut piginnaasaannik inuttullu piginnaasaannik pitsanngorsaaneq, piginnaasanik sammisaqartitsisarnikkut kiisalu pikkorissaasarnikkut
• Perorsaanikkut periutsinik suleriutsinillu nutaanik saqqummiisarneq Idræt
• Meeqqanut, angajoqqaanut kiisalu sulisisunut isumannaatsumik toqqissisimanartumillu ulluunerani paaqqinnittarfimmik qulakkeerinninneq
• Ulluunerani paaqqinnittarfik pillugu paasissutissanik imalimmik quppersagaliortarneq
• Eqqarsaatit nutaat politikkikkullu anguniakkat naapertorlugit ersarissumik anguniagaqarluni sulineq
• Aqutsisumik ulluinnarni qanimut suleqateqarneq

Piginnaasat:
• Perorsaasutut ilinniagaqarsimaneq
• Ulluunerani paaqqinnittarfinni sulisitsinermik allaffissornermillu misilittagaqarneq
• Akisussaassuseqarneq, pissutsinut malinnaaqqinnaassuseqarneq kiisalu paasinnissinnaassuseqarneq ingerlariaatsinillu allannguisinnaassuseqarneq.
• Uippakajaarnartunik suliassaqartillugu eqqissisimasinnaaneq, eqaatsumik suleriuseqarsinnaaneq, suleqatikkumiartuuneq, inussiarnersuuneq kiisalu aalajaatsuuneq
• Timikkut tarnikkullu peqqissuuneq, ammasuuneq qiimasuunerlu
• Ulluunerani paaqqinnittarfiup anguniagai iliuusissatullu pilersaarutai naapertorlugit sulinissamut piareersimasuuneq

 

Akissarsiat aamma atorfeqarnermi atugassarititaasut 

Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfimmut atatillugu inissaqartitsisoqarpoq.

Pinerlussimannginnermut meeqqanullu pinerlussimannginnermut uppernarsaatit:
Pinerlussimannginnermut uppernarsaat aammalu meeqqanut pinerliisimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.

 

Attavissaq  

Atorfimmut paasissutissat sukumiinerusut pineqarsinnaapput meeqqerivik aqutsisoq Karen Eriksen oqarasuaat 38 55 09 / 55 09 29 imaluunniit e-mail: ILU_Nukariit@avannaata.gl

 

Kingusinnerpaamik qinnuteqarfissaq  

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 20. december 2019.


Qinnuteqaat uunga nassiunneqassooq 

Avannaata Kommunia
Sulisoqarnermut immikkoortortaqarfik
Postboks 1023
3952 Ilulissat

Imaluunnit mail-imut: hr@avannaata.gl