airplanebooksbriefcase business cogs cross election entertainment fish house law lockmedicalpeopleselfservices socialtax

Meeqqerivimmi tullersorti, Uummannaq

Qinnuteqarfissaq:
2. december 2019
Sumi:
Uummannaq
Akissarsiat:
Isumaqatigiissutit malilugit

Avannaata Kommuniani Meeqqerivik Dr. Ingrid aamma Nuunu tullersortissarsiorpoq 

Avannaata Kommuniani Uummannami Meeqqerivik Dr. Ingrid aamma Nuunu tullersortissarsiorpoq piaartumik isumaqatigiissuteqarnikkulluunniit atorfinittussanik.

Tullersortip qaninnertut qullersarissavaa meeqqerivik Dr. Ingrid aamma Nuunu-mi aqutsisoq.

 

Suliassat aamma akisussaaffiit 

Suliassat akisussaaffiillu:
• Avannaata Kommuniani meeqqanut inuusuttuaqqanullu politikkikkut anguniakkat naapertorlugit sullissineq
• Sulisut aalajangersimasumik qulequtaqarluni kommunip iluani kommunillu avataani ingerlatsinikkut piginnaasaannik inuttullu piginnaasaannik pitsanngorsaaneq, piginnaasanik sammisaqartitsisarnikkut kiisalu pikkorissaasarnikkut
• Perorsaanikkut periutsinik suleriutsinillu nutaanik saqqummiisarneq
• Meeqqanut, angajoqqaanut kiisalu sulisunut isumannaatsumik toqqissisimanartumillu ulluunerani paaqqinnittarfimmik qulakkeerinninneq
• Ulluunerani paaqqinnittarfik pillugu paasissutissanik imalimmik quppersagaliortarneq
• Eqqarsaatit nutaat politikkikkullu anguniakkat naapertorlugit ersarissumik anguniagaqarluni sulineq
• Aqutsisumik ulluinnarni qanimut suleqateqarneq

Piginnaasat:
• Perorsaasutut ilinniagaqarsimaneq
• Ulluunerani paaqqinnittarfinni sulisitsinermik allaffissornermillu misilittagaqarneq
• Akisussaassuseqarneq, pissutsinut malinnaaqqinnaassuseqarneq kiisalu paasinnissinnaassuseqarneq ingerlariaatsinillu allannguisinnaassuseqarneq.
• Uippakajaarnartunik suliassaqartillugu eqqissisimasinnaaneq, eqaatsumik suleriuseqarsinnaaneq, suleqatikkumiartuuneq, inussiarnersuuneq kiisalu aalajaatsuuneq
• Timikkut tarnikkullu peqqissuuneq, ammasuuneq qiimasuunerlu
• Ulluunerani paaqqinnittarfiup anguniagai iliuusissatullu pilersaarutai naapertorlugit sulinissamut piareersimasuuneq

 

Akissarsiat aamma atorfeqarnermi atugassarititaasut 

Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfimmut atatillugu inissaqartitsisoqarpoq.

Pinerlussimannginnermut meeqqanullu pinerliisimannginnermut uppernarsaatit:
Pinerlussimannginnermut uppernarsaat aammalu meeqqanut pinerliisimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.

 

Attavissaq  

Atorfimmut paasissutissat sukumiinerusut pineqarsinnaapput meeqqerivik Dr. Ingrid aamma Nuunu-mi aqutsisoq Dorthe M. Grønvold imaluunniit tullersortaangallartoq Karoline Malakiassen-imut oqarasuaat 954558 imaluunniit e-mail: domg@avannaata.gl

 

Kingusinnerpaamik qinnuteqarfissaq  

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 2. december 2019.


Qinnuteqaat uunga nassiunneqassooq 

Avannaata Kommunia
Sulisoqarnermut immikkoortortaqarfik
Postboks 1023
3952 Ilulissat

Imaluunnit mail-imut: hr@avannaata.gl