airplanebooksbriefcase business cogs cross election entertainment fish house law lockmedicalpeopleselfservices socialtax

Ilinniarnermut siunnersorti, Ilulissat

Qinnuteqarfissaq:
3. januar 2020
Sumi:
Ilulissat
Akissarsiat:
Isumaqatigiissutit malilugit

Avannaata Kommuniani ilinniarnermut siunnersorti 

Meeqqat atuarfianni atuartitsinerup pitsaassusaanik qulakkeerinneqataarusuppit, Avannaata Kommuniani ilinniartitsisut qanimut suleqatigalugit?

Meeqqat atuarfianni ilinniartitsinermik misilittagaqarpit aammalu atuartitseriaatsimut ilinniartitsisunut isumassarsiortitsillutillu piumassuseqalersitsisinnaavit, tassani atuartut misissuinermik, misileraanermik, pinngorartitsinermik akuunermullu peqataallutik, ingerlaavartumik nalilersueqataallutik uppernarsaasiorlutillu?

Taava Avannaata Kommunia ilinniarnermut siunnersortitut, Ilinniarnermut Ingerlatsivimmi atorfimmik inuttassarsiuivoq.

Ilinniarnermut Ingerlatsiviup makkua isiginiarpai
• Ingerlatsiviup isiginiarpaa qaqugukkut suliffik pitsaanerpaanersoq
• Ingerlatsiviup isiginiarpai nukittuffiit pitsaaffiit ilaartornissaannut kaammattuinissaq
• Ingerlatsiviup isiginiarpai suleqatigiinneq, ingerlalluarneq sullarissuunerlu
• Ingerlatsiviup pingaartippai ukiup ingerlanerani sulisut misigisaqaqatigiittarnissaat
• Ingerlatsiviup pingaartippaa suliarisap pitsaasup nersualaarnissaa

 

Suliassat aamma akisussaaffiit 

Atorfik pillugu
Avannaata Kommuniani sulissutigivarput ataavartumik akuulersitsinikkut ingerlaavartumik nalilersuisarnerup uppernarsaasiisarnerullu atuartunut tamanut atuutsilernissaa, ilinniartitaanerup nukittorsarnissaa atuartut ataasiakkaat pisariaqartitaat naapertorlugit. Ingerlaavartumik nalilersuineq tassaavoq perorsaaniutitigut sakkussaq. Atuartut ataasiakkaat nalilersuiffigineqartarput siunnerfigalugu atuartut ataasiakkaat piginnaasaminnik ineriartortitsisinnaanerat. Ilinniarnermut siunnersortitut ilinniartitsisunut ilitsersuisinnaavutit, paasiniassallugu atuartut ataasiakkaat qanoq killiffeqarnerinik. Tamanna aallaavigalugu siunissami ilinniarnerup qanoq pitsaanerpaamik aaqqissuussiffigisinnaanera pilersaarusiorneqassaaq.

Ilinniarnermut siunnersortitut suliniut ”Kivitsisa” aallartillugulu inerisassavat. Suliniutip nassatarai sorpassuit saniatigut ilinniaritaatsit nutaat atuartitseriaatsillu, aaqqissuussaanerit suleqatigeriaatsillu ilinniartitsisunut nutaat atuartunullu tamanut ilinniartitsisunullu iPads-it.

Ilinniarnermut siunnersortitut Ilinniarnermut Ingerlatsivimmiissaatit atorfillit allat peqatigalugit, tassanngaanniik poilitikerit, atuarfiit, paaqqinnittarfiit, MISI Avannaa atuisullu sullippagut. 

Naatsorsuutigaarput
• Ilinniartitsisutut taamaaqqataanilluunniit ilinniarsimasuunissat
• AD-tut, Master-itut Kandidat-itulluunniit ilinniarsimasuusinnaanissat
• Atuartitsinermi iPads-imik atuinermik misilittagaqarnissat ilinniartitsissutitut perorsaaniutitullu
• Atuarfinni atorfilinnut ilisimasatit tunniussinnaassagitit ingerlateqqillugillu
• Namminersorsinnaassasutit suleqatikkuminartuussasutillu

 

Akissarsiat aamma atorfeqarnermi atugassarititaasut 

Ineqarneq
Atorfimmut atatillugu sulisunut inissiamik innersuussisoqassaaq, tassunga qularnaveeqqutit ini-mullu akiliutit akilerneqartassapput, atuinerit il.il. Namminersorlutik Oqartussat Kommunellu inissiaataanut ineqarnermut akiliuteqartarneq pillugu maleruaqqusat atuuttut naapertorlugit. Sulisutut inissiamik ataavartumik atorfininnermi atukkiussassaqanngippat, sulisoq utaqqiisaasumik inissinneqarnissamut pisinnaatitaavoq utaqqiisaarutitut inissinneqarallarluni.

Pineqaatissinneqasimannginnermut meeqqanillu innarliisimannginnermut uppernarsaat
Una atorfik inatsisit malillugit pisussaaffigineqarpoq pineqaatissinneqarsimannginnermik meeqqanillu innarliisimannginnermut uppernarsaammik piniarfiunissamik. Inatsisit naapertorlugit atorfininneq pisinnaavoq aatsaat kommunemiit pineqaatissinneqarsimannginnermik meeqqanillu innarliisimannginnermut uppernarsaammik naammaginartumik tigusaqartoqareerpat. Taamaattumik erseqqissaatigissavarput atorfeqalernermut piffissaliussaq aatsaat isumaqatigiissutaassammat kommunemiit meeqqanut innarliisimannginnermut uppernarsaat rigspoliti-niik tiguneqarsimalerpat aaamma politiiniit pinerluuteqarsimannginnermut uppernarsaat tiguneqareerpat. Meeqqanik innarliisimannginnermut uppernarsaat kommunemiit piniarneqassaaq qinnuteqartoq akuersiteqqaarlugu piniarneqassaaaq pinerluuteqarsimanermut uppernarsaat qinnuteqartup politiinut piniassavaa.

Akissaatit atorfininnermilu atugassarititaasut
Akissaatinut atorfininnermilu piumasaqaatinut tunngasut pissapput Namminersorlutik Oqartussat IMAk-ip kattuffilluunniit isumaqatiginninniarnermik pisinnaatitaasup isumaqatigiissusiaat atuuttut naapertorlugit.

Kissaatigineqarpoq atorfininneq 1. februar 2020 pissasoq – isumaqatigiissuteqarnikkulluunniit.

 

Attavissaq  

Tikilluaqqusaavutit paasiniaanissamut Ilinniarnermut Ingerlatsivimmi pisortaagallartoq Aka Grønvold-imut telefon +299 70 18 00-mut imaluunniit e-mail: akgr@avannaata.gl atorlugu.

 

Kingusinnerpaamik qinnuteqarfissaq  

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 3. januar 2020 nal. 12:00.


Qinnuteqaat uunga nassiunneqassooq 

Avannaata Kommunia
Sulisoqarnermut immikkoortortaqarfik
Postboks 1023
3952 Ilulissat

Imaluunnit mail-imut: hr@avannaata.gl