airplanebooksbriefcase business cogs cross election entertainment fish house law lockmedicalpeopleselfservices socialtax

Qeqertami sullissivik erninermi paarlattaagallartussamik sulisussarsiorpoq

Qinnuteqarfissaq:
14. april 2020
Sumi:
Qeqertaq
Akissarsiat:
Isumaqatigiissutit malilugit

Qeqertami sullissivik erninermi paarlattaagallartussamik sulisussarsiorpoq 

Sullissivik Qeqertami erninermi paarlattaagallartussamik, allaffimmi sulisussarsiorpoq piaartumik isumaqatigiissuteqarnikkulluunniit atorfinittussamik.

Erninermi paarlattaasup Ilulissani Sullissivimmi Immikkoortortaqarfimmi Aqutsisoq qaninnertut qullersarissavaa.

 

Suliassat aamma akisussaaffiit 

Atorfinitsinneqarnermi suliassat akisussaaffiillu:
• Allattuineq / nalunaarsuineq
• Kontoni assigiinngitsuni naligiissaarineq / nakkutilliineq
• Allakkatigut oqarasuaatikkullu saaffiginnittunut akissuteqartarneq
• Allagartaasivimmut inissiisarneq
• Sullissivimmi saaffiginnissutinik suliaqarneq

Naatsorsuutigaarput:
• Allaffimmiutut ilinniarsimasuusutit
• Sullisserusuttuusutit
• Aalajaatsuusutit suliffimmilu ineriartupiloortumi sulissallutit nuannarigit. Taamaattumik naatsorsuutigaarput atorfimmut suliassat nutaat nuunneqarumaartut.
• Qaffasissutsini assigiinngitsuni suleqateqarnissamut piginnaaneqartutit.
• Isumaqatigiissutinut misilittagaqartutit.
• Peqqissaartuusutit.

 

Akissarsiat aamma atorfeqarnermi atugassarititaasut 

Akissarsiaqartitsineq atorfinitsitinerlu pissapput kattuffimmut isumaqatigiinninniarsinnaatitaasumut isumaqatigiissutit sukkulluunniit atuuttut naapertorlugit.

Atorfimmut atatillugu inissaqartitsisoqassanngilaq.

 

Attavissaq  

Atorfik pillugu apeqqutissaqaruit una attaveqarfigisinnaavat: Ilulissani Sullissivimmi Immikkoortortaqarfimmi pisortaq Arnarulunguak Petersen tlf. +299 38 75 51, imaluunniit mail: arth@avannaata.gl

 

Kingusinnerpaamik qinnuteqarfissaq  

Qinnuteqaat, ilinniarsimanermut siusinnerusukkullu suliffigisimasanut paasissutissanik ilaqartoq, soraarummeernermi pappiaqqat nuutinneranik il.il. ilaqartillugu, Sulisoqarnermut immikkoortortamut tunniunneqassaaq kingusinnerpaamik 14. april 2020.


Qinnuteqaat uunga nassiunneqassooq 

Avannaata Kommunia
Sulisoqarnermut immikkoortortaqarfik
Postboks 1023
3952 Ilulissat

Imaluunnit mail-imut: hr@avannaata.gl