airplanebooksbriefcase business cogs cross election entertainment fish house law lockmedicalpeopleselfservices socialtax

AC fuldmægtig pisortaqarfiup allattoqarfianut

Avannaata Kommuniani Pisortaqarfiup Allatseqarfia 1. juni 2020 imaluunniit piaarnerpaamik isumaqatigiissut naapertorlugu atorfinittussamik pissarsiorpoq. Atorfik Ilulissani qitiusumik allaffeqarfimmi inissisimavoq.
Qinnuteqarfissaq:
1. juni 2020
Sumi:
Ilulissat
Akissarsiat:
Isumaqatigiissutit malillugit

Avannaata Kommuniani Ilulissani pisortaqarfiup allattoqarfiani AC-fuldmægtig-imik pissarsiorpoq 

Pisortaqarfiup Allatseqarfia ulluinnarni kommunimi politikerit pisortallu sullinneqarnerat akisussaaffigaa taamattaaq pitsaassutsikkut qulakkeerinninneq, kukkunersiuineq politikkikkullu ataatsimiissutissanik ataqatigiiissaarineq pingaarnertut suliassaralugit. AC-fuldmægtig-tut atorfeqarnerni ilisimasat, pitsaassuseq ineriartornerlu nukittorsarnissaat peqataaffigissavat.

Atorfik pillugu 

AC-fuldmægtig-tut Pisortaqarfiup Allatseqarfiani sulissaatit.

 

Allatseqarfiup Borgmesterip Allatseqarfianit, kommunalbestyrelsimi ilaasortanit, nunaqarfinni aqutsisunit, najukkami ataatsimiititalianit kiisalu pisortanit suliassat ataqatigiissartarpai. Allatseqarfik taamaalilluni borgmesterimut, pisortanut suleqataasunullu allanut kommunip iluani avataaniittunullu qanimut attaveqartarpoq.

 

AC-fuldmægtig-i Pisortaqarfiup Allatseqarfiani Allattoqarfiup Pisortaanut akisussaavoq.

Akisussaaffiit suliassallu 

Suliassatit atuuffitillu:

 

  • kommunemi politikerinik pisortanillu allatseqarfik peqatigalugu sullissineq

  • pitsaassutsikkut qulakkeerinninneq, kukkunersiuineq taamatullu Kommunalbestyrelsip, Aningaasaqarnermut Ataatsimiititaliap ataatsimiititaliallu ataavartut politikkikkut ataatsimiissutissaannik ataqatigiissaarineq

  • ingerlatsivinni suliassatigut naliginnaasumillu pisortaqarfittut sullissinikkut sulinermi peqataaneq

  • allaffissornikkut suleriaatsinik pitsanngorsaaneq

  • suliniutini pilersaarutinilu aaliangersimasuni peqataaneq

  • allaffissornermi suliassat naliginnaasut assigiinngitsut

Pikkoriffiit piginnaasallu 

AC-fuldmægtig-tut sulinerni naatsorsuutigaarput:

 

  • kandidatitut assigisaanilluunniit ilinniarsimasuunissat

  • eqaatsuusutit, akisussaassusilik suleqatiginnillaqqittuusutillu

  • kalaallisut qallunaatullu oqalunnikkut allakkatigullu erseqqissuliorluarsinnaassasutit

  • misissueqqissaartarnermut annertuumik piginnaasalik sulianullu qaffasissumik killiffilik

  • politikkikkut aaqqissuussatut aqutami paasisimasaqarluartoq suliffigissallugulu misilittagaqartoq

  • allatseqarfik suleqatigalugu namminersorlutilluunniit suliassanik assiginngitsunik aaqqiisinnaasoq

Atorfeqarnermi atugassarititaasut 

Akissaatinut atorfeqarnermilu atugassarititaasut, tamatumunnga atatillugu atorfinikkiartornermi atorfeqareernermilu angalaneq pequtillu assartorneri, aalajangersaaffigineqassapput atorfininnermi piffissami isumaqatigiissuteqarneq imaluunniit Namminersorlutik Oqartussani Isumaqatigiissut pineqartullu sulinermini kattuffiata isumaqatiginninniarsinnaatitaasup akornanni isumaqatigiissut malillugu.

 

Sapaatip akunnerani suliffissaq 40 tiimiuvoq.

Ineqarneq 

Atorfimmut atatillugu sulisunut inissiamik pequsersugaanngitsumik innersuussisoqarsinnaavoq maleruaqqusat atuutut naapertorlugit. Illumut attartornermi qularnaveeqqusiinermullu akiliisoqartassaaq inissamik innersuussinermi maleruagassat atuuttut naapertorlugit. Ineqarnermut akiliut inissiallu pitsaassusaa nikerarsinnaapput inissiap pisoqaassusaa, piginnittoqarneranut pissutsit il.il. apeqqutaallutik.

Sulisutut inigisaq atorfeqarnerup taamaatinnerani qimanneqassaaq. Ataavartumik sulisutut ineqarnissaq utaqqinarsinnaavoq, taamaattumillu utaqqiisaasumik ineqartitsisoqarsinnaavoq, tassunga ilaatillugit inissiaqatigiinneq imaluunniit akunnittarfiit inaataaniissinnaaneq.

Paasissutissat sukumiinerusut 

Atorfik pillugu Allattoqarfiup Pisortaa, Nuka S.Nathanielsen, attavigineqarsinnaavoq: nuna@avannaata.gl, oqarasuaat (+299) 38 76 08.

Qinnuteqarnermut killissaq 

Qinnuteqaat ilinniagaqarsimanermut suliffigisimasanillu paasissutissartalik, soraarummeernermi uppernarsaatit assilinerinik il.il. ilanngussartalik Sulisoqarnermut Immikkoortortaqarfimmit tiguneqareersimassaaq kingusinnerpaamik ulloq 1. juni 2020.

Qinnuteqaat uunga nassiunneqassaaq 

Avannaata Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@avannaata.gl