airplanebooksbriefcase business cogs cross election entertainment fish house law lockmedicalpeopleselfservices socialtax

Ilaqutariit Illuannut ilaqutariinnut katsorsaasoq

Ilaqutariinnermut Ingerlatsivik Avannaata Kommunianut Kalaallit Nunaata kitaani kommunit avannarpasinnersaanni illoqarfinnik nunaqarfinnillu sullisisussamik ilaqutariinnut katsorsaasumik pissarsiorpoq.
Qinnuteqarfissaq:
31. maj 2020
Sumi:
Ilulissat
Akissarsiat:
Isumaqatigiissut malillugit

Avannaata Kommuniani Ilulissani ilaqutariinnut katsorsaasumik Ilaqutariit Illuanni pissarsiorpoq 

Atorfik pissanganartuuvoq, tassanilu Avannaata Kommuniani innuttaasunut katsorsaanermik neqeroorutit nukittorsaaqataaffigissavatit. Ilaqutariinnut katsorsaasoq meeqqanut, inuusuttuaqqanut ilaqutariinnut kiisalu illoqarfimmi nalaataqarnerluttunut ikiuisartunut suleqatigisanik siunnersuinermut peqataanissat naatsorsuutigineqarpoq.

Suliassat siammasissumik meeqqanut ilaqutariinnullu tunngapput, inatsisit iluini immikkut ittumik iliuuseqarfigineqarnissaminnik pisariaqartitsisunik Meeqqanut ilaqutariinnullu ajornartorsiutinut atuuffivit saniatigut nalaataqarnerlunnermik upalungaarsimasunut peqataassaatit.

Tarnip pissusaannik immikkut ilinniagallit peqatingalugit angalasartoqatigiinnut peqataasassuutit, immikkoortortaq pitsaasoq ilannguffigissavat, immikkoortortaq kommunitsinni innuttaasunut atugassarititanut tulluussartartoq.

Immikkoortortaqarfik maanna aallarnisarneqarpoq, tassanilu Avannaata Kommuniani meeqqanut inuusuttuaqqanullu iliuutsit qitiutinneqarput. Katsorsaanermi pitsaassuseq aaqqissuussaanerlu toraarneqarput.

Ukioq kaajallallugu angalaneqartassaaq, angalanngikkaangavillu siunnersortini angalasartuni Ilulissani angerlarsimaffeqassaatit, angalasartoqatigiit tarnip pissusaanik immikkut ilinniarsimasumik ataatsimik aqutsisoqarput, tarnip pissusaannik immikkut ilinniarsimasunik marlunnik aamma ilaqutariinnik katsorsaasunik marlunnik inuttaqarput.

Siunnersortit marlukkarlutik kommunep illoqarfiinut sisamanut nunaqarfiinullu 21-nut angalaqatigiittarput.

Naatsorsuutigaarput 

  • Perorsaasutut assigisaanilluunnit ilinniagaqarlutit.

  • Ilaqutariinnik katsorsaanermik, eqimattakkuutaarluni katsorsaanermik aamma nalaataqarnerlunnermi suliaqarnermik misilittagaqartutit.

  • Sulisut eqimattakkuutaartut suleqatigisinnaagitit, pitsaasunik suleqatigiinnermi piginnaasaqartutit allanillu akuutitsilersinnaasuti.

  • Attaveqaqatigiinnermut siunnersuinermullu pikkoriffeqartutit.

  • Killiit pinnagit periarfissanik takunnissinnaasutit.

  • Ingerlatsiviit akimorlugit suleqateqarsinnaasutit.

  • Nammineerlutit sulisinnaasutit, aaqqissuussillaqqillutit, ataqatigiissaarillaqqillutit, pilersaarusiullaqqillutit suliassanillu malitseqartitsillaqqillutit.

  • Akuulluarlutillu eqaatsumik suleriaaseqartut.

Neqeroorutigisinnaavagut 

  • Immikkoortortamut aallarnisatumut ineriartortumullu ilanngussinnaanerit.

  • Akuersissummik pissarsinissaq siunertaralugu qulliunerusumit siunnersorneqarneq.

  • Atorfik namminersorfiusoq suliat tungaasigut inuttullu unammillernartulik.

  • Sulisut pitsaasut akuulluartullu.

  • Sulinermi avatangiisit tatigeqatigiiffiusut.

  • Sunneeqataasinnaaneq.

  • Avatangiisini alianaatsorsuarni sunngiffimmi periarfissat allanngorartut.

Paasissutissat 

Atorfik pillugu passissutissat uunga saaffiginninnikkut pissarsiarineqarsinnaapput: Immikkoortortami aqutsisoq Frederikke Sandgreen, oqarasuaat 38 55 61. E-mail. frra@avannaata.gl

Pinerluuteqarsimannginnermut meeqqanullu uppernarsaat 

Atorfik una pinerluuteqarsimannginnermut meeqqanullu uppernarsaammik allagartaqarnissamik inatsisip ataaniippoq. Inatsit naapertorlugu atorfinitsitaaneq aatsaat pisinnaavoq, kommunip pinerluuteqarsimannginnermut meeqqanullu uppernarsaat naammaginartoq tigoreerpagu. Taamaattumik maluginiaqqussavarput, piffissaq atorfiniffiusinnaasoq kommunip meeqqanut allagartaq Rigspolitiiniit kiisalu Politiiniit tigoreerpagu, isumaqatigiissutigineqarsinnaavoq.

Pineqartoq isumaqatigalugu meeqqanut uppernarsaat kommunimit aaneqarsinnaavoq.

Akissarsiat aamma atorfinitsitaanermi atugassarititaasut 

Akissarsiat aamma atorfinitsitaanermi atugassarititaasut Kalaallit Nunaanni Namminersorlutik Oqartussat aamma kattuffiup isumaqatiginninniarsinnaatitaasup akornanni isumaqatigiissutit tunngavigalugit pissapput.

Atorfik 1. juni 2020 imaluunniit isumaqatigiissuteqarnikkut inuttalerneqarusuppoq.

Atorfimmi inissiamik innersuusisoqanngilaq.

Qinnuteqarfissaq kingulleq 

Qinnuteqaat ilinniarsimasamik aamma siusinnerusukkut suliarisimasanik, soraarummeersimanerput uppernarsaatinik il.il. imalik kingusinnerpaamik 31 maj 2020.

Qinnuteqaat uunga nassiunneqassaaq 

Avannaata Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@avannaata.gl