airplanebooksbriefcase business cogs cross election entertainment fish house law lockmedicalpeopleselfservices socialtax

Atuarfinni siunnersorti

Avannaata Kommuniani Ilinniarnermut Ingerlatsivik atuarfinnut siunnersortimik pissarsiorpoq, 1. september 2020 aallarnerfigalugu isumaqatigiissuteqarnikkulluunniit atorfinittussamik.
Qinnuteqarfissaq:
19. juli 2020
Sumi:
Ilulissat
Akissarsiat:
Isumaqatigiissutit malillugit

  

Atorfik Ilulissaniippoq, qaninnertullu qullersarisassaq tassaavoq atuarfeqarfimmut aamma MISI-Avannaanut suliamut aqutsisoq.

 

Suliassat kiisalu akisussaaffeqarfiit ilaatigut makkuupput:

 

  • Avannaata Kommuniani atuarfinni nakkutilliineq

  • Atuarfinni aqutsisunut ulluinnarni ingerlatsinermi paasissutissanut allaffissornermut tunngassutilinnut siunnersuinerit, soorlu tiiminik kiisalu suliasaqarfinnik agguataarinninneq, kiisalu sammisassaqartitsinissamut pilersaarutit, aningaasarsianut tunngasut, 1. julimi nalunaarusiornerit, 1. oktoberimik nalunaarsusiornerit il.il.

  • Illoqarfiit nuanaqarfiillu atuarfiini kiisalu angerlarsimaffinni atuartitsivinni suliniutit nakkutilliinermut aamma sulinermut tunngasut ataqatigiissarlugit

  • Atuarfinni ilinniartitsisunik pikkorissaasarneq pillugu periusissanik malittarisassiorneq.

  • Meeqqanut aamma inuussuttunut politikki aallaavigalugu periusissamik suliaqarneq.

 

Tamatuma saniatigut atorfimmut atatillugu akisussaaffiit- kiisalu atorfik pillugu allaatiginninneq innersuunneqarpoq, taanna atuarfeqarfinni MISI Avannaanilu pisortamut pissarsiarineqarsinnaavoq.

 

Ilinniakkatigut kiisalu inuttut piginnaasat

  • Meeqqat atuarfianni ilinniartitsisutut ilinniagaqarneq imaluunniit Naalakkersuisunit akuerineqartumik tassunga assigusumik ilinniagaqarneq.

  • Atuarfeqarfimmi minnerpaamik ukiuni marlunni aqutsisutut misilittagaqarneq.

  • TRIO-mut/TEA-mut/TABULEX-imut ilisimasaqarneq

 

Akissarsiat kiisalu atorfininnermi atugassarititaasut

Atorfinitsitsineq akissaateqarnerlu Naalakkersuisut kiisalu suliniaqatigiiffiup isumaqatigiinniartussaatitaasup akornanni isumaqatigiissutit atuuttut malillugit pissaaq.

 

Malittarisassat atuuttut naapertorlugit atorfimmut atatillugu inissaqartitsisoqarpoq.

 

Atorfik pillugu annertunerusumik paasissutissat atuarfeqarfinni MISI Avannaanilu pisortaq Ane S. Hansen-imut uunga: asha@avannaata.gl aaneqarsinnaapput imaluunniit oqarasuaatikkut: (+299) 38 77 93.

 

Qinnuteqarfissaq kingulleq

Qinnuteqaat ilinniagaqarsimanermut kiisalu siornatigut suliffigisimasanik paasissutissanik, soraarummeernermi uppernarsaatit assilineranik ilaqartut Sulisoqarnermut Isumalluuteqarnermullu immikkoortortap kingusinnerpaamik ulloq 19. juli 2020 tigoreersimassavai.

 

Qinnuteqaat uunga nassiunneqassaaq:

  

Avannaata Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit E-mail-ikkut: hr@avannaata.gl