airplanebooksbriefcase business cogs cross election entertainment fish house law lockmedicalpeopleselfservices socialtax

Uummannaq: Saleersuarnissaq

4. juni 2018

Saleersuarneq ingerlanneqassooq ulloq arfininngorneq 16. juni 2018, kikkullu tamarmik peqataanissaannut kajumissaarneqarput.

Saleersuarneq aallartissooq nal. 12.00. Kommunip allaffiata silataaniik.
Avannaata kommuniata kaffit, tiit kaagillu meeqqanullu safti sassaalliutigissavai.

Puussianik aaqqatinillu sullisinik peqataasut agguaassigivineqassapput.

Nal. sisamap tungaanut saniit katersorneqarsinnaasut tamarmik katersorniarsarineqassapput, saliiffiusunilu biilinik puunik katersisunik nutaanillu tunioraasunik angalaartoqassaaq.
 
Puumik ulikkaarneqartumik tigusinermi allagartaq eqquiniut ataaseq tunniunneqartassaaq. Sisamap kingorna kommunip allaffiata silataani makitsisoqassaaq akissarsisitsisoqassallunilu.

Eqqakkat saniatigut cigaritit kimmivikuinik katersititsisoqassooq puussiaaqqanut immiunneqartussat, kimmivikunillu katersat biilertunut tunniunnagit kommunip allaffiani sillimasunut tunniunneqartassapput eqquiniummillu normumik tassani tunisisoqartassooq. Kimmivikut katersat ataatsimut katillugit oqimaalutarneqassapput.

Nal. sisamanut kommunip allaffiata saatungaani normunik makitsineq ingerlanneqassooq. 

Neriuutigaarput kikkut tamarmik peqataajumaartut Inuiattut ullorsiornissatsinni illoqarfipput kusanarlunilu eqqiluitsuuniassammat.

Inussiarnersumik inuulluaqqusillunga
Elisabeth Pj. Skade
Sullissivimmi Pisortaq