airplanebooksbriefcase business cogs cross election entertainment fish house law lockmedicalpeopleselfservices socialtax

Ilulissani peqatigiiffinnut qinnuteqartitsinissamut kaammattuut

8. oktober 2018

Ilulissani najukkami ataatsimiititaliap aalajangerpaa peqatigiiffit Ilulissaniittut innuttaasunik iluaqutaasumik ulluinnarni susassaqartitsisut qinnuteqaateqarsinnaanerannut periarfissiiumallutik.

Qinnuteqarfissaq kingulleq:
18. oktober 2018 nalunaaqutaq 12:00
tunniunneqareersimassaaq mail: ilulissat@avannaata.gl 
imaluunniit sullissivimmut.

Najukkami ataatsimiititaliap suliassaraa pinaveersaartitsinermut siunertaqarluni innuttaasut atungaasa periarfissaasalu Ilulissani annertusarnissaat aammalu siuarsarnissaat. Tamatumunngalu atatillungu peqatigiiffiit innuttaasunik periarfissiisut sammisassaqartitsinikkut aammalu timersornikkut periarfissikkusussimavangut qinnuteqarsinnaanissaannik atuisunut atortunik pitsanngorsaanissamut siunertaqartumik.

Qinnuteqaat:
• takussutissartaqassaaq suunersoq
• nassuiaateqassallunilu suna siunertaralungu atorniarneqarnersoq
• aammalu sumut qinnutigineqassanersoq

Piumasaqaataassaaq ukiup naannginnerani najukkami ataatsimiisitaliamit akilerneqassasoq.
Qinnuteqaatip nalinga annerpaamik 20.000,- kr-mik naleqassaaq.

Inussiarnersumik inuulluaqqusilluta

Ilulissani najukkami ataatsimiititaliaq