airplanebooksbriefcase business cogs cross election entertainment fish house law lockmedicalpeopleselfservices socialtax

Qaanaami iliuuseriniakkat aallartipput

MIOp Qaanaamut angalasimanerminut nalunaarutaa tusagassiutini massakkut sammineqarluarpoq. Avannaata Kommuniani kommunalbestyrelsip nuannaarutigaa Qaanaami pisut inuiaqatigiinnit soqutigineqarluarmata, naak unammilligassat imaannaanngitsut eqqartorneqaraluartut.
25. oktober 2018

Tusagassiutitigut ilisimaneqalereersutut sapaatip akunnera kingulleq MIO Avannaata Kommuniani kommunalbestyrelsimik atorfilittaanillu isumasioqatigiisitsivoq Qaanaami nalunaarusiami paasisat tunngavigagit.

Avannaata Kommuniani kommunalbestyrelsip atorfilittallu MIOp nalunaarusiaa iliuuseqarfiginiarlugu isummersorfigaat, iliuuseriniakkallumi ilaatigut aallartereerlugit.

MIOp saqqummiussai unammilligassat imaannaanngitsuupput. Tamanna nassuerutigalugu Avannaata Kommuniata iliuuserisani iliuuseriniakkanilu  pilersaarusiorluarnikkut, inunnik attuumassuteqartunik tamanik suleqatigiilersitsinikkut, iliuusissatut periusissanik aaliangersaanikkut, paaseqatigiinnikkut, ataqqeqatigiinnikkut, inuiaqatigiinni ingerlariaqqinnissamut periarfissiinikkut, alloriarfinnik nutaalik iliuuseqarnikkut minnerunngitsumillu inooqatigiinnermi unammilligassat iliuuseqarfiginerisigut.

Taakkartukkatta tamakku takutippaat unammilligassavut imaannaanngitsuusut ilaallu ukiuni arlalinni iliuuseqarnikkut aatsaat qaangerneqarsinnaallutik. Tamakku tunngavigalugit piffissami tulliuttumi iliuuseriniakkat pingaarnersiorlugit tulleriinnilersorlugit ingerlanneqassapput.

Iliuuserisinnaasavut tamaasa iliuuseriniassuavut ilungersunartunili inuiaqatigiittut akisussaaqatigiittullu tamatta iliuuseqaqatigiinnissarput pinngitsoorneqarsinnaanngilaq.

Avannaata Kommunia sinnerlugu
Palle Jerimiassen
Borgmesteri