Aalisarnermut niuffatsitsinersuaq isikkaneq-aappassaanni 2020-mi ingerlanneqalerpat, nutaamik Ilulissani angerlarsimaffeqalissaaq. Aalisarnermut niuffatsitsinersuaq arfineq-aappassaanni Aalborg Kongres & Kultur Centeri (AKKC) suleqatigalugu ingerlanneqartoq, ukiuni kingullerni nuannaarutigineqaqisumik saqqummersitsisartunik ornigarneqartarnermigullu siuariartortoq misigineqarpoq.
Taamaasilluni Sisimiuni aalisarnermik niuffatsitsinersuarmi tigusisinnaassutsip akunnittarfitsigut kiisalu saqqummersitsiviit halvtredsiusut nunanit avannarlernit Kalaallit Nunaanniillu immerneqartartut amerlassutsimikkut qaffasinnerpaaffissaa anguneqarsimalluni.
Kalaallit Nunaanni Aalisarnermut Piniarnermullu Kattuffik, KNAPK peqatigalugu nuutsitsinissaq aalajangerneqarpoq, angalaqatigiit AKKC-mit pisortaanermik Nicolaj Holm-imit kiisalu saqqummersitsinermut pisortamit Else Herfort-imik siulersorneqartut, Kalaallit Nunaata Avannaani saqqummersitsinissamut, akunnittarfitsigullu periarfissat paasisassarsiorfigereerneratigut. Taassuma saniatigut borgmester Palle Jerimiassen-i siunissami suleqatigiinnissaq pillugu isumaqatigiissuteqarfigineqarsimalluni.
- Avannaata Kommuniani innuttaasut 30 procent-ii aalisarnermik inuussutissarsiornermut attuumassuteqarput, illoqarfillu Ilulissat unnuisarfinnik pitsaassutsimikkut qaffasissunik pigisaqarpoq soorlu aamma saqqummersitsivissanik pigisaqarluarluni. Oqaloqatigiinnikkut suleqatigiinnissamik pitsaasumik isumaqatigiittoqarnera nuannaarutissaasoq kikkunnullu tamanut iluaqutissaasoq pisortaanerup Nicolaj Holm AKKC-mip nalilerpaa.
Borgmester Palle Jerimiassen-ip suleqatigiissutissaq nukittooq suleqatigiligarlu nutaaq Aalborg-imeersoq nuannaarutigaa:
” Uannut aalajangiisuuvoq, Aalborg Kongres & Kultur Centeri, nunanit tamanit tusaamaneqartumik, imminullu nappassinnaasumik ilisimaneqartumik suleqateqalernerput. Taamaattumik Europami aalisarnermut niuffatsitsinerit annersaannik ingerlatsivik Danfish International, Ilulissaniit suleqatigileqalernera pitsaanerusinnaanngilaq” taama borgmesteri oqaaseqarpoq.
PolarFish-ip saqqummersitsisarnerni aalisarnermut nutaaliornerit, periutsit atortullu nutaat, aalisarnermi inuussutissarsiortunut siuarsaanissaq siunertaralugu, nittarsaassutigineqartarnerisa saniatigut isumasioqatigiinnerit isummanillu paarlaatseqatigiittarnerit ingerlanneqartarput. Isumasioqatigiittarnerit pilersaarusiorneqartarneri ilisimasallit isumasioqatigalugit ilaatigut soorlu KNAPK peqataatinneratigut ulluni saqqummersitsiviusuni imarisaa assigiinngisitaartoq tulluarsagarlu qaffasissoq nittarsaakkuminartorlu qulakkeerniarlugu pilersaarusiorneqartarpoq.
KNAPK-p nuannaarutigaa, Kalaallit Nunaani aalisarnermi illoqarfiit pingaarnersaannut nuussineq:
”Ukiuni arlaqalersuni kissaatigisarsimavarput, Kalaallit Nunaata Avannaanut aalisarnermik saqqummersitsisarnerup nuunneqarnissaa. Tamannalu ukioq 2020-mut iluatsittoq nunatsinni aalisartunut nunamullu tamarmut iluaqutaalertussatut angusaq pitsaasuuvoq”. Taama oqarpoq Kalaallit Nunaanni Aalisarnermut Piniarnermullu Kattuffiup siulittaasua, Henrik Sandgreen.
PolarFish-ip saqqummersitsiutigaluni niuffatsitsinera Ilulissat Timersortarfiani 6.-8 oktober 2020 pissaaq. AKKC-mit ilimasuutigineqarpoq, ukioq ataaseq allortarlugu Ilulissani aalisarnermut tunngasunik saqqummersitsiviusassasoq ukiuni Aalborgimi DanFish-ip ingerlatsiviginngisaani.