Avannaata Kommunia Ukkusissani illumik ataatsimoorussiffiusumik pilersitserusuppoq ukiumikkut akuleriinnut meeqqerivittut kiisalu nunaqarfimmi sullissivittut atortussamik uffarfeqarfittalik errorsisarfittalillu.
Tamannaana kissaat tunuliaqutaliullugu, manna kommunimut pilersaarummut ilanngussaq suliarineqartoq, ullumikkummi Ukkusissani tassunga siunertamut sanaartorfissanik atorneqanngitsunik soqanngilagut.
Illoqarfiup qeqqanut siunertanut Kommunip pilersaarutaanut tapiliut nr. 5-imut siunnersuut tamanut ammasumik tusarniaassutitut saqqummiunneqarpoq, piffissami: 10.09.2019-imit 22.10.2019 tikillugu ilanngullugulu.
Kommunip pilersaarutaata tapiata siunertaa:
Kommunimut pilersaarutip tapiata uuma pingaarnertut siunertaraa timersortarfissap/kombihusip napparneqarsinnaanerata periarfissinneqarnera, ilaatigut aamma meeqqerivik tassaniissaaq, nunaqarfimmi innutaasunik sulissivik uffartarfilik errorsisarfillu.
Tassani aamma siunertaavoq inissianik allanik piffimmi sanaartorsinnanerup periarfissaqarnera taamaattumillu sanaartorfissaq nutaaq tassunga tunngasoq inniminnerneqarpoq.
Kommunip pilersaarutaata tapiatut siunnersuut sapaatip akunnerini arfinilinni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunep nittartagaanut toqqaannartumik nassiussinnaavat uunga: http://kommuneplania.avannaata.gl/dk/hoering/hoering/ imalt.mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 22.10.2019.
Kommunip pilersaarutaanut tapiliut uani takuuk: KPT5.pdf