airplanebooksbriefcase business cogs cross election entertainment fish house law lockmedicalpeopleselfservices socialtax

Tusarniaaneq: Immikkoortup ilaata A13-ip aqqusinikkut orninneqartarneranik aaqqiineq, Ilulissat

11. september 2019

Januar 2018-imi kommunimut pilersaarut nr. 56 akuerineqarpoq, tassani illoqarfiup immikkoortortaa nutaaq ilaavoq, A13-imi taaneqartoq, Ilulissatni Sisorarfiup aamma Hafnarfjordurip Aqqutaata eqqaaniittoq. Tamatuma kingorna sanaartorfiusoq sanaffigineqarmalli maannalu sanaartortumit Sisorafimmeertinnagu Hafnarfjordurip Aqqusernanit aqqut, kommunimut pilersaarut nr. 56 malillugu kissaatigineqarmat.

Avannaata Kommuniani Teknikkimut Ataatsimiititaliap aalajangerpaa, allannguutissaq taanna akueriniarlugu, tamannalu sanaartornermut immikkoortortap A13-ip tunngaviusumik pilersaarusiornissaanik pisariaqartitsivoq.

Kommunip pilersaarutaanut tapiliussassamut nr. 9-imut siunnersuut, tamanut tusarniutigalugu saqqummiunneqarnikuuvoq piffissami uani: ulloq 11.09.2019-imiit ulloq 23.10.2019 ilanngullugu.

Kommunip pilersaarutaata tapiata siunertaa:
Kommunimut pilersaarummut ilanngussaq nr. 9-p mannaa taamaattumik tassaavoq suliarinninnissaq aammalu taamaallaat kommunimut pilersaarummut ilanngussamut nr. 56-imut aqqusinernik allanngortitsineruinnarluni. Kommunimut pilersaarutip ilassutissaata matuma nassuiarnera, aalajangersakkat aamma nunap assiga taamaasillutik siuliani ilanngussap (nr. 56) assiga piffimmi aqqusinermut aqqut allannguinnarlugu. 

Kommunip pilersaarutaata tapiatut siunnersuut sapaatip akunnerini arfinilinni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniutaasumut akissutit kommunep nittartagaanut toqqaannartumik nassiussinnaavat uunga: http://kommuneplania.avannaata.gl/dk/hoering/hoering/ imalt.mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 23.10.2019.

Kommunip pilersaarutaanut tapiliut uani takuuk: KPT9.pdf