Avannaata Kommuniata Uummannami umiarsualivimmi atugassarititaasut pitsanngorsaavigalugulillu umiarsualiviit annertusaavigerusuppai, taamaalilluni assersuutigalugu aalisakkerivimmik qerititsivimmik kiisalu ilioqqaavimmik aammalu umiarsualiveqarnikkut siunertanut soorlu talittarfinnik assigisaanillu sanaartortoqarsinnaalersillugu. Tamanna tunngavigalugu kommunimut pilersaarutip tapia nr. 8-mut siunnersuut suliarineqarpoq.
Kommunimut pilersaarutip tapia nr. 8 inuussutissarsiutinut umiarsualiveqarnermut tunngasut pillugit siunnersuut piffissami tulliuttumi taaneqartumi: 01.11.2019-imit 30.12.2019 tikillugu ilanngullugulu.
Kommunip pilersaarutaata tapiata siunertaa:
Kommunimut pilersaarutip tapiata Namminersorlutik Oqartussat talittarfeqarfiup allilerneqarnissaanik kiisalu qaarsortamik qaartiterinissamik suliniutaannik piviusunngortitsinissaq pingaarnertut siunertaraa, umiarsualiveqarfiup atugassaanik nutaanik sanaartornissamut inissaqartitsilertussamik. Taamaattumik pilersaarutip, umiarsualiviup piusup pissusissamisoortumik allilerneqarnissaa qulakkiissavaa, taamaalilluni maannakkut siunissamilu namminersorlutik inuussutissarsiuteqartut aalisarnermik umiarsualiveqarnikkkullu inuussutissarsiutitigut pilersitsinissaminnut ineriartortitsinissaminnullu pitsaanerpaamik atugassaqarsinnaaleqqullugit, kiisalu suliffeqarfiit, umiarsualivimmut qanittumik inissisimanissaminnut pisariaqartitsisut taamaalilluni inissinneqarsinnaalissallutik.
Kommunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunip nittartagaanut toqqaannartumik nassiussinnaavat uunga: http://kommuneplania.avannaata.gl/dk/hoering/hoering/ imalt.mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamanik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 30.12.2019.
Kommunip pilersaarutaanut tapiliut uani takuuk: KPT8.pdf
