airplanebooksbriefcase business cogs cross election entertainment fish house law lockmedicalpeopleselfservices socialtax

Immikkoortumi A31-mi Ilulissat inissianut suliniutitut qinnuteqaat

10. januar 2020

Avannaata Kommuniata matumuuna nalunaarutigaa immikkoortumut 1200-A31-mut, Ineqarfik Mittarfiup Aqqutaata eqqaaniittumut inissiassanut suliniummut pilersaarut tigusimallugu.

Nalunaaruteqarnermut piffissaq tassaavoq 09.01.2020-imit 20.02.2020 tikillugu ilanngullugulu.

Teknikkimut Ataatsimiititaliap Ilulissani immikkoortup ilaani A31-mi inissialiassanut suliniummut siunnersuut tapersersussallugu aalajangersimavoq. Pilersaarutitut tunngavigineqartup allanngortinnginnerani suliniutissatut siunnersuut nalunaarutigineqarpoq.
Una nalunaarutiginninneq Inatsisartut inatsisaat nr. 34 9. december 2015-imeersoq naapertorlugu suliarineqarsimavoq, taassuma Kommunalbestyrelsi nunaminertap immikkoortua pillugu atuisinnaanermik pisinnaatitaanerup nalunaarutiginissaanut periarfissiivoq, taassuma tunngaviusumik pilersaarusiunnginnerani.

Suliniut ima imaqarpoq:
KJ Greenlandip Ilulissani nunaminertap A31-p angissusaata inissialiorfissallu amerlassusaasa allanngortinneqarnissaat qinnutigaa.
Allanngornerup kingunerissavai, maanna illoqarfiup ilaanut pilersaarummi A31.1-imi maanna piusumut naleqqiullugu sanaartukkat qaninnerit anginerillu. Sanaartorfissat aqqanillit aamma pinnguartarfissamut sanaartorfissaq kissaatigineqarput. Nunaminertap immikkoortuani inissiat 1-2-nik quleriillit sananeqassapput.

Suliniutissatut siunnersuutit allat
Piffissap nalunaaruteqarfiusup nalaani innuttaasutut inuussutissarsiortutullu maanna nunaminetap immikkoortuanut suliniutissanik allanik siunnersuutinik nassitsisinnaavutit, soorluttaaq siunnersuummut nalunaaruteqarnermut allanik oqaaseqaateqarsinnaasutit.
Suliniutissatut siunnersuutit allat oqaaseqaatillu tiguneqarumaartussat Kommunalbestyrelsimi suliniutissatut siunnersuummut nunaminertamik inniminniinnginnermi suliarineqassapput. Tamatuma kingorna kommunimut pilersaarummut ilassutissaq suliarineqassaaq. Suliniutissatut siunnersuutinut piumasaqaat tassaavoq, atuinissaq tassaassammat inissialiorfissami inissianik quleriiaanik sanaartornissaq.

Qinnuteqaatit tamarmik imaattunik imaqartinneqassaaq:
1. Ilusissamut siunnersuut sanaartugassap inissisimaffissaanik, isikkussaanik atortussanillu nassuiaasoq.
2. Atornissaa pillugu paasissutissaq.
3. Teknikkikkut ikkussukkat  pillugit paasissutissat.
4. Aningaasaqarneq pillugu paasissutissat qinnutigineqartup piviusunngortinneqarsinnaaneranik uppernarsaasut.

Piffissamut aamma sanaartornissamut pilersaarutit.
Ullormit 09.01.2020: nal. 12:00 nunaminertap immikkoortuanut suliniutissanut allanut siunnersuutit nassiunneqassapput.
20.02.2020-mut: nal. 04:00 suliniutissatut siunnersuutinik tigooraaneq matussaaq.

Siunnersuut
Siunnersuineq aamma aqqutissiuussineq Pilersaarusiornermut Immikkoortortaqarfimmut uunga saaffiginninnikkut pisinnaavoq.: Tlf. 701800 imaluunniit mailikkut: plania@avannaata.gl