airplanebooksbriefcase business cogs cross election entertainment fish house law lockmedicalpeopleselfservices socialtax

Tusarniaaneq: Inuussutissarsiornermut atorneqartut umiarsualiveqarfiillu, Uummannaq

– tusariaaneq sivitsugaq
16. januar 2020

Inuussutissarsiornermut talittarfeqarnermullu nunaminertaq – Uummannaq – tusariaaneq sivitsugaq

Avannaata Kommunia kommunemut pilersaarut nr. 8 pillugu, Uummannami Inuussutissarsiornermut talittarfeqarnermullu nunaminertaq, Uummannaq, tusarniaaneq sapaatip akunnerinik arfinilinnik sivitsorniarlugu aalajangerpoq.

Allannguutissatut siunnersuutip nassataraa, avannamut aammalu talittarfiup saavata kujammut maanna talittarfiusup allinerneqarnissaanut, umiarsuaaqqat talittarfiannik inissaliineq. Talittarfiup saava kujammut sammisoq allilerneqarusuppoq, Polaroilip orsersortarfimmukarsinnaanerup pitsanngorsarnissaa kissaatigimmagu.
Taassuma saniatigut RAL-imut inissiivissamik anginerusumik sanasoqassaaq, tamatuma illoqarfimmut innuttaasunullu pilersuinermi isumannaassuseqalersitsimmat. Tamatumani aamma ima isumaqarpoq, sanaartorfissat allat annikillisinneqassasut.

Kommunemut pilersaarummut ilassutissaq nr. 8 inuussutissarsiornermut talittarfeqarnermullu tunngasoq piffissami matumani tamanut tusarniaassutigineqarpoq: 16.01.2020-imit 27.02.2020 tikillugu ilanngullugulu.

Kommunip pilersaarutaata tapiata siunertaa:
Kommunimut pilersaarutip tapiata Namminersorlutik Oqartussat talittarfeqarfiup allilerneqarnissaanik kiisalu qaarsortamik qaartiterinissamik suliniutaannik piviusunngortitsinissaq pingaarnertut siunertaraa, umiarsualiveqarfiup atugassaanik nutaanik sanaartornissamut inissaqartitsilertussamik. Taamaattumik pilersaarutip, umiarsualiviup piusup pissusissamisoortumik allilerneqarnissaa qulakkiissavaa, taamaalilluni maannakkut siunissamilu namminersorlutik inuussutissarsiuteqartut aalisarnermik umiarsualiveqarnikkkullu inuussutissarsiutitigut pilersitsinissaminnut ineriartortitsinissaminnullu pitsaanerpaamik atugassaqarsinnaaleqqullugit, kiisalu suliffeqarfiit, umiarsualivimmut qanittumik inissisimanissaminnut pisariaqartitsisut taamaalilluni inissinneqarsinnaalissallutik.

Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniutaasumut akissutit kommunep nittartagaanut toqqaannartumik nassiussinnaavat uunga: http://kommuneplania.avannaata.gl/dk/hoering/hoering/ imalt.mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 27.02.2020.

Kommunip pilersaarutaanut tapiliut uani takuuk: KPT8.pdf