Naalakkersuisunit Nunatsinni atuarfiit matugallarneqarnissaat aalajangerneqarpoq. Taamaattumik Avannaata Kommuniani atuarfinnut isumannaallisaanermut upalungaarsimanissaq atortussanngortinneqarpoq.
Atuarfeqarnermut tunngasumik iliuuseqarneq
Ilulissani atuarfinni ungasianiit ilinniarneq, sapinngisaq malillugu pilersinneqarpoq. Atuarfinni sulisut ilinniartitsineq piareersarnerlu atuarfimmiit ilinniartitsinermut iserfissat aqqutigalugit ingerlatsissapput.
Ilulissani atuartunut angerlarsimaffimmi interneteqanngittunut ilinniartitsisissusiortoqassaaq, taakkulu tallimanngorpat atuartut angerlaatissuaat.
Uummannami, Upernavimmi, Qaanaami aamma nunaqarfinni tamani ilinniartitsisissusiortoqassaaq, aamma taakku tallimanngorpat atuartut angerlaatissuaat.
Paaqqinniffissamik aaqqissuussineq
Angajoqqaat inuiaqatigiinni pingaarutilimmik inissisimasut ajornartoornermi paaqqinniffissamik neqeroorfigineqarnissaat pilersinneqarpoq. Ajornartoornermi atuarfinni paaqqinninneq atuartunut tamanut atuuppoq, tassa 1. – 10. klasset tikillugit. Atuarfiit nalinginnaasumik ammasassapput 08:00 – 16:00.
Meeqqat inuiaqatigiinni pingaarutilimmik inissisimasunik angajoqqaallit, paaqqinniffissamillu allamik periarfissaqanngitsut, ajornartoornermi ullaakkut atuarfimmukaassisassapput, tassanilu nalunaarsuisoqartassalluni.
Inuiaqatigiinni pingaarutilittut inissisimaneq angajoqqaat nalilersugassarivaat.