airplanebooksbriefcase business cogs cross election entertainment fish house law lockmedicalpeopleselfservices socialtax

Ilulissani akeqanngitsumik bussersinnaalerneq

Avannaata Kommunia bussinik marlunnik piseqqammerpoq, Ilulissanilu ataavartumik ataasinngornermiit maajip 11-aniit ingerlaalissapput. Bussini billetinik atortut atuutilersinnissaasa tungaannut innuttaasut akeqanngitsumik bussersinnaassapput.
7. maj 2020
Bussit qaqortut marluk ataasinngornermiit maajip 11-aniit Ilulissani ingerlaalissapput.
- Bussit ataavartumik ingerlaarsinnaalernissaat ullaaq manna aalajangerneqarpoq, ilanngullugulu aalajangerneqarpoq bussit piaarnerpaamik ingerlaartinneqalissasut. Taamaammat innuttaasut ataasinngorpamiit bussersinnaalernissaminnut qilanaaruteqalersinnaapput, Mathias Mølgaard Teknikkeqarnermut Ingerlatsivimmi ingerlatsinermi ataqatigiissaarisoq oqarpoq.

Bussinik ilaaneq billetinik atortorissaarutit atuutilersinnissaasa tungaannut akeqassanngilaq.

Bussinik pisinissaq siorna novembarip qaammataani kommunalbestyrelsimi aalajangiunneqarpoq. Bussit marluk katillugit 2 millioner koruuninik akeqarput.

Bussit ataavartumik ingerlaarfissaat uani aajuk.