Eqimi illuaqqiornissamut suliniutitut qinnuteqaat Matumuuna

Nalunaaruteqarnermut piffissaq tassaavoq 11.05.2020-imit 29.06.2020 tikillugu ilanngullugulu.
Teknikkmut Ataatsimiititaliap suliniummut Eqimi takor-narissanut illuaraliortoqarnissaanut siunnersuut tapersersussallugu aalajangersimavoq. Pilersaarutitut tunngavigineqartup allanngortinnginnerani suliniutissatut siunnersuut nalunaarutigineqarpoq. Una nalunaarutiginninneq Inatsisartut inatsisaat nr. 34 9. december 2015-imeersoq naapertorlugu suliarineqarsi-mavoq, taassuma Kommunalbestyrelsi nunaminertap immikkoortua pillugu atuisinnaanermik pisinnaatitaanerup nalunaarutiginissaanut periarfissiivoq, taassuma tunngaviusumik pilersaarusiunnginnerani.

Suliniut ima imaqarpoq
Aningaasaliineq nutaaq aquutigalugu World of Greenlandip kissaatigaa illuaqqat 35-it nutaat Eqip eqqaani sinerissamut agguataakkat pilersinnissai. Illuaqqat tallimat maanna illuaqqat pioreersut eqqaannut inissinneqassapput. Illuaqqat tallimat kimmut kuummut qaninnerutillugit inissinneqassapput. Illuaqqatut sinneruttut 25-t illuaqqanut pioreersunut ersinngitsumi sinerissap kitaanut qaninnerusumut inissinneqarsimapput. Illuaqqat ilusilersorneqarnermikkukt World of Greenlandip Ilimananmi illuaqqiaanut eqqaanassapput.
World of Greenlandip kissaatigaa, illuaqqat sapinngisaq tamakkerlugu avatangiisinut ilassuuttuutissallugit, soorlu assersuutigalugu qaartiterinnginnikkut, kisiannili illuaqqat nunamut taamaareersumut inissinnerisigut. Seqernup qinngornerinik tigooraassutikkut illuaqqat kallerup innilersorneqassapput eqqagassallu Ilulissiaanneqartassallutik. Taassuma saniatigut kompostiisiviup imikoq qasertunngortillugu salittassavaa, taannalu immamut kuutsinneqarsinnaavoq.
Eqimi illuaqqiornissamut suliniutitut qinnuteqaat:  http://kommuneplania.avannaata.gl/download/projektansoegninger/projektansgning_glacier_lodge_eqi_gl.pdf

Suliniutissatut siunnersuutit allat
Piffissap nalunaaruteqarfiusup nalaani innuttaasutut inuussutissarsiortutullu maanna nunaminetap immikkoortuanut suliniutissanik allanik siunnersuutinik nassitsisinnaavutit, soorluttaaq siunnersuummut nalunaaruteqarnermut allanik oqaaseqaateqarsinnaasutit.
Suliniutissatut siunnersuutit allat oqaaseqaatillu tiguneqarumaartussat Kommunalbestyrelsimi suliniutissatut siunnersuummut nunaminertamik inniminniinnginnermi suliarineqassapput. Tamatuma kingorna kommunimut pilersaarummut ilassutissaq suliarineqassaaq. Allaanerusumik suliniummut siunnersuusiornissamut piumasaavoq, nunaminertamik atugassiineq sanaartornermut iluaqusersuutinullu pissamat sunngiffimmut siunertalimmut sumiiffimmi immikkut qasuersaarfissaqqitutut pissuseqartumut.

Qinnuteqaatit tamarmik imaattunik imaqartinneqassaaq
1. Ilusissamut siunnersuut sanaartugassap inissisimaffissaanik, isikkussaanik atortussanillu nassuiaasoq.
2. Atornissaa pillugu paasissutissaq.
3. Teknikkikkut ikkussukkat pillugit paasissutissat.
4. Aningaasaqarneq pillugu paasissutissat qinnutigineqartup piviusunngortinneqarsinnaaneranik uppernarsaasut.

Piffissamut aamma sanaartornissamut pilersaarutit
Ullormit 11.05.2020: nal. 12:00 nunaminertap immikkoortuanut suliniutissanut allanut siunnersuutit nassiunneqassapput.
29.06.2020-mut: nal. 04:00 suliniutissatut siunnersuutinik tigooraaneq matussaaq.

Siunnersuut
Siunnersuineq aamma aqqutissiuussineq Pilersaarusiornermut Immikkoortortaqarfimmut uunga saaffiginninnikkut pisinnaavoq.: Tlf. 701800 imaluunniit mailikkut: plania@avannaata.gl.