airplanebooksbriefcase business cogs cross election entertainment fish house law lockmedicalpeopleselfservices socialtax

Kommunep pilersaarutaa nr. 15-mut tapiliussaq: Ilulissat avanaatungaani inuussutissarsiorfeqarfik

Ullumikkut Ilulissani annertunerusumik ilitsiviusinnaasunik pisariaqartitsisoqaqaaq pinggaartumik containerinut umiatsianullu, maanna illoqarfimmi periarfissat killeqarmata aammalu uninngatitsiviusinnaasutut naleqquttanngimmata. Aammali pisariaqartitsisoqarpoq nunaminertanik inuussutissarsiorfeqarfinnut siunertaqartunut, tassani iluaqutaaginnartumik illoqarfiup qitiusoqarfiinut inissiaqarfinnullu ungasiartumik inissinneqarsinnaasunut.
11. juni 2020

  

Kommunep pilersaarutaanut tapiliussaq nr.15-mi nutaamik inuussutissarsiorfeqarfeqalissaaq sumiiffiup ilaa B04, inissiivissaq nunataqarnerusoq inissiivissamik aammali inuussutissarsiorfeqarfittut sanaartorfiusinnaasoq, taamaasilluni illoqarfimmi pioreersunut tatisineq annikillineqassalluni.
Kommunemut pilersaarummut tapiliussaq nr. 15 piffissami 11.06.2020-miit 06.08.2020-mut tamanatu tusarniutigineqarpoq.

Kommunip pilersaarutaata tapiata siunertaa


Maannakkut teknikkimut sumiiffiusup ilaani (imm. Ilaa E09-mi), kiisalu iliveqarfiup eqqaavissuullu akornanni imm. ilaata D11-p sanaartorfiusussaanngitsumi inuutissarsiorfimmut sumiiffimmik anginerusumik kommunip pilersaarutaanut tapiliut atugassiivoq.
Inuutissarsiorfimmut sumiiffiup iluani ilioqqaanernut sanaartornernullu nunaminertat, kiisalu aqqusinissanut atugassiissutit qularnaarneqassapput, tamatumunngalu ataatsimut isiginnilluni pilersaarusiorneq aallaaviussaaq,
taamaalilluni sumiiffik sapinngisamik tulluarnerpaamik iluaqutaaniassammat.

Kommunimut pilersaarummut tapiliussaq nr. 15: http://kommuneplania.avannaata.gl/download/kpt_1830_forslag/kpt_15_ilu_b04_forslag.pdf

Kommmunimut pilersaarummut tapiliussaq sapaatip akunnerini arfineq-pingasuni sivisussuse-qartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunep nittartagaanut toqqaannartumik nassiussinnaavat uunga: http://kommuneplania.avannaata.gl/gl/tusarniaanermut/tusarniaanermut/

imalt.mailikkut uunga: plania@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 06.08.2020.