Kommunemut pilersaarummut tapiliussaq nr. 14 piffissami 31.08.2020-miit 26.10.2020-mut tamanatu tusarniutigineqarpoq.
Kommunimut pilersaarummut tapiliussaq nr. 14: http://kommuneplania.avannaata.gl/download/kpt_1830_forslag/kpt_14_ilu_c24_forslag.pdf
Kommunip pilersaarutaata tapiata siunertaa
Sumiiffiup ilaani sanaartorfissiortoqassaaq arfineq pingasunik, taakkulu qitiusoqarfittut atuuffinnik imaqassapput soorlu politeeqarfik, paaqqinnittarfik, pisiniarfik, akunnittarfik imaluunniit vandrerhjemmeq aamma unnuusiarfiit assingusut kiisalu inissiat.
Taamaasilluni pilersaarusiap siunertaraa nunaminertanik qulakkeerinninnissaq aalajangersimasumik qitiusoqarfittut siunertalinnut, tassa ilaatigut ujartuisoqarlunilu amigaatigineqarmata illoqarfimmi akunnittarfiit annertussusaat, paaqqinnittarfinni inissaaleqisitsineq kiisalu tigussaasumik apeqqutilliissut nutaamik politeeqarfiliornissamik kiisalu umiarsualiviup qanittuani annikinnerusumik pisiniarfimmik pilersitsinissaq.
Kommmunimut pilersaarummut tapiliussaq sapaatip akunnerini arfineq-pingasuni sivisussuse-qartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunep nittartagaanut toqqaannartumik nassiussinnaavat uungahttp://kommuneplania.avannaata.gl/gl/tusarniaanermut/tusarniaanermut/ imalt. Mailikkut uunga: plania@avannaata.gl . Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 26.10.2020.
