Uummannaq aqutsiveqarfimmi inuussutissarsiutigalugu qassusersorluni aalisarneq pillugu Avannaata Kommunianut ileqqoreqqusaq, xx.xx.2020-meersoq
Aalisarneq pillugu Inatsisartut inatsisaat nr. 18, 31. oktober 1996-imeersumi § 23, imm. 2 aamma § 33, imm. 2, kingusinnerpaamik Inatsisartut inatsisaat nr. 28, 28. november 2016-imeersumi allanngortinneqartoq, aamma Sinerissap qanittuani qaleralinniarneq pillugu Namminersorlutik Oqartussat nalunaarutaat nr. 11, 28. august 2014-imeersumi § 10, imm. 2 malillugit aalajangiunneqarput:
Atuuffia
§ 1. Uummannaq aqutsiveqarfimmi, 70° 30’N -ip avannaani, aamma 71° 30’N-ip kujataani sineriammit sumiiffiusumi, aamma aalisartoqarfimmut tunngavigisatut killingisat avataanni sømilit pingasut tikillugit nassuiarneqartutut inuussutissarsiutigalugu aalisarnermut ileqqoreqqusaq atuuppoq.
Inuussutissarsiutigalugu qaleralinnut qassusersorluni aalisarneq
§ 2. Qaammatini februaarimi, martsimi, apriilimi aamma oktoberimi, novemberimi decemberimilu ilanngussaq 1-imi sumiiffiit nalunaarsukkat avataanni inuussutissarsiutigisatut qassusersorluni qaleralinniartoqaqqusaavoq.
Ataatsimoorussatut aalajangersakkat
§ 3. Ukiuunerani sikoqarnerata qassusersorluni aalisarneq ajornartorsiortissappagu najugarisami peqatigiiffinni tusarniaareernermigut qassusersorluni aalisarneq kommunalbestyrelsip matusiffigisinnaavaa
Pineqaatissiissutit
§ 4. § 2 aamma § 3-mik unioqqutitsinerit akiligassinneqarnermik arsaarinnissuteqarnermillu nassataqartitsisinnaapput.
Imm. 2. Imm. 1 malillugu akiligassiissutit Kalaallit Nunaanni pinerluttulerinermut inatsimmi malittarisassat malillugit inatsisitigut inuttut naatsorsuussanut akileqqusaasinnaapput.
Atuutilernera
§ 5. Ileqqoreqqusaq xx. xx. 2020-imi atuutilerpoq.
Imm. 2. Taamaalinerani Uummannap aqutsiveqarfimmut atuuttoq Qassusersorluni qaleralinniarneq pillugu Qaasuitsup Kommunianut ileqqoreqqusaq 6. september 2011-meersoq atorunnaarsinneqarpoq.
Taamatut ulloq xx.xx 2020-mi Avannaata Kommuniani Kommunalbestyrelsimit akuersissutigineqarpoq.
________________________________
Palle Jerimiassen
Borgmesteri
Aqutsiveqarfimmi Uummannaq inuussutissarsiutigisatut qassuserlunilu aalisarneq pillugu Avannaata Kommuniata ileqqoreqqusaa aalajangersarneqarpoq.
Namminersorlutik Oqartussat, ulloq xx. xx. 2020
_________________________________
Jens Immanuelsen
Aalisarnermut, Piniarnermut Nunalerinermullu Naalakkersuisoq
Bilag, Uummannap eqqaa
Sumiiffiit makku iluini inuutissarsiutigisatut qassusersorluni aalisarneq inerteqqutaavoq:
Iterluap illutaa 70°31'36.8''N 51°57'27.0''W
Qaersuup nuua 70°34'55.1''N 51°39'18.5''W
Innarsuaq 70°40'03.1''N 51°40'58.9''W
Niaqornakassak 70°37'16.8''N 51°12'02.1''W
Qinngoq (Qinngup kangia) 70°47'41.6''N 51°11'15.0''W
Iliarsuit qeqertaata kangia 70°51'20.2''N 51°08'59.2''W
Bilag, Ukkusissat eqqaa
Sumiiffiit makku iluini inuutissarsiutigisatut qassusersorluni aalisarneq inerteqqutaavoq:
Appalik 70°58'14.1''N 52°07'29.0''W
Uigukumiat 71°00'12.1''N 52°12'47.3''W
Appatsiaat 71°05'59.5''N 52°11'06.7''W
Qaqortutsiaq 70°57'32.5''N 51°53'05.0''W
Akuliarutsiap qaqqaata kangia 70°59'31.8''N 51°47'58.7''W
Bilag, Nuugaatsiap eqaa
Sumiiffiit makku iluini inuutissarsiutigisatut qassusersorluni aalisarneq inerteqqutaavoq:
Nerlerit kuuata kitaa 71°27'42.8''N 52°52'32.6''W
Nuliarfik 71°30'57.1''N 52°53'22.7''W
Qammaviup kitaa 71°31'35.8''N 52°58'20.9''W
Sissakassaap kangia 71°35'25.2''N 53°03'49.1''W
Nunap assinganik ilanngussat missingersuutaannaapput. Naapertuuttoqartinnagu allorniusanut tukimukartunut sanimukartunullu siuliani allassimasutut naleqqerfiit atuutissapput.