airplanebooksbriefcase business cogs cross election entertainment fish house law lockmedicalpeopleselfservices socialtax

Saliisimanermi nersornaasiineq

Ilulissani IAAP-imi ilaasortat marluk Qeqertarsuup Tunuani qassutikunik immap naqqanit katersisimanertik pillugu marlunngormat decembarip aallaqqaataani diplommimik checkimillu tunisipput.
3. december 2020

Ukiut marluk tulleriit avatangiisinut aningaasaateqarfimmut saliinissaminnut atortussanik aningaasanik qinnuteqartaraluarlutik itigartitaasarsimanertik kingunerisaanik Ilulissani IAAP-imi ilaasortat taakku marluk tassaasut Aabili Lange aamma Haansi Ortu Sandgreen aalajangerput ilaatigut Halibut, Royal Greenland aamma Avannaata Kommunia aqqutigalugu namminneq aningaasanik pissarsiniarlutik, namminnerlu katersinissaq ataqatigiissaarlugu.

Umiarsuarmik umiatsiamillu attartornissaminnut aningaasanik katersipput, kajumissutsiminnillu ikiuuterusuttunik ikiorteqarlutik immami qassutikunik amerlasoorpassuarnik katersipput, tassa ilaatigut aalisakkanut qassutit ningittakkallu immap naqqaniittut amerlasoorpassuit katersorlugit. Qassutit ilarpassui sikumit nusutsillutik katattarsimapput.
Suliarujussuaq pillugu Suliffeqarnermut, Ilisimatusarnermut Avatangiisinullu Naalakkersuisoq Jess Svane-imit diplommimik checkimillu nersorniarneqarlutik marlunngorneq decembarip aallaqqaataani tunisipput.
Avannaata Kommuniani Borgmesteri aamma peqataavoq nersualaarinnillunilu.

Ataqatigiissaarisut taakku marluk ilisimarpianngilaat qanoq amerlatigisunik katersisimanertik kisiannili qularutiginngilaat amerlasoorujussuusimassasut.
- Oqimaalutarnissaannut periarfissaqarsimanngilavut taamaattorli 25 bigbags miss. katersisimanissarput ilimagaara.

Neriuutigivaat suliaminnut tunngatillugu aningaasanik ujartueqqinnissartik taamaalillutik umiarsuarnik umiatsianillu siunissamut attartornissaminnut akissaqalernissartik angusinnaajumallugu.

 

Tekst: Nikolaj Sander

Foto: Nikolaj Sander