airplanebooksbriefcase business cogs cross election entertainment fish house law lockmedicalpeopleselfservices socialtax

Isertitaqarfiusut tamarmik ulluunerani paaqqinninnermi akitigut qaffaavigineqarput

Avannaata Kommuniani isertitaqarfiusut tamarmik ulluunerani paaqqinnermi akitigut qaffaavigineqaannassapput, taamalu akissarsiakinnerit akunnattumillu akissarsiallit annikitsuinnarnik qaffaavigineqarput isertitaqqortunerpaallu qaffasinnerusunik akitigut qaffaavigineqarlutik.
21. december 2020
Kommunalbestyrelsimi 2020-mi decembarip 4-aani ataatsimiinnermi kommunalbestyrelsimi ilaasortat tamarmik isumaqatigiissut kissaatigaat, allattoqarfimmi naatsorsuisoqarluni akissarsiakinnerit akunnattumillu akissarsiallit ulluunerani paaqqinnittarfimmiittuutitaqarnerminni qaffaavigineqassanngitsut aammalu akissarsiaqqortunerpaat kisimik akitigut qaffaavigineqassasut.

Taamaakkarluartorli kommunalbestyrelsimi ilaasortat 2020-mi decembarip 21-ani immikkut ittumik ataatsimiinnermi tamarmik isumaqatigiissutigalugu aalajangerpaat isertitaqarfiusut tamarmik akitigut qaffaavigineqassasut.

Taamaasillutik akissarsiakinnerpaat aammalu akunnattumik akissarsiallit qaammammut 4 koruuniniit 33 koruunit angullugit qaffaavigineqartussanngorput aammalu akitigut qaffaanerni akissarsiaqqortunerpaat qaammammut akiliutigisartakkamikkut 42 koruuniniit 50 koruunit angullugit qaffaavigineqartussanngorlutik.

Akitigut qaffaanerit Namminersorlutik Oqartussat suli atualinngitsunik ulluunerani paaqqinnittarfimmiititsinermut nalunaarutaat nr. 3, 4. februar 2011-meersoq malinneqarpoq, tassanilu erseqqissumik nassuiarneqarpoq, assigiinngitsunik isertitalinnut aningaasartuutitigut qaffaanerit qanoq appasitsigalutillu qaffasitsigissinnaanersut.

Nalunaarummi akinik qaffaasinnaanermut tulleriiaarinerit uani takukkit: http://inatsisit.gl/lov?rid={627D3D07-288E-4FD6-9F4C-E9260144E5FC}

Allattoq: Káte Hansen, khan@avannaata.gl